టాలీవుడ్ నటుడు శివాజీ తొలిసారిగా నటించిన వెబ్ సిరీస్ 90’s. మిడిల్ క్లాస్ బయోపిక్ అనేది దీనికి ట్యాగ్ లైన్. ఆదిత్య హస్సన్ తెరకెక్కించిన ఈ సిరీస్ లో చంద్రశేఖర్ అనే లెక్కల మాస్టర్ పాత్రలో ఆయన కనిపించనున్నారు. ఇక ఈ సిరీస్ యొక్క టీజర్ ని ప్రముఖ టాలీవుడ్ స్టార్ యాక్టర్ విక్టరీ వెంకటేష్ నేడు రిలీజ్ చేసారు. ఇక టీజర్ లో చంద్రశేఖర్ మరియు అతని మిడిల్ క్లాస్ జీవితం, కుటుంబంలో సమస్యలు, ఘటనలు చూడవచ్చు.
శివాజీకి జోడీగా వాసుకి కనిపించనున్న ఈ 90’s టీజర్ ఎంటెర్టైనింగ్ హంగులతో వినోదభరితంగా ఆకట్టుకోవడంతో పాటు ఆడియన్స్ లో సిరీస్ పై మంచి ఆసక్తిని ఏర్పరుస్తుంది. ప్రస్తుతం ఈ టీజర్ యూట్యూబ్ లో మంచి వ్యూస్ అందుకుంటోంది. ప్రముఖ ఓటిటి మాధ్యమం ఈటివి విన్ ద్వారా ఈ సిరీస్ ని 2024 జనవరి 5న ప్రసారం చేయనున్నారు. అమోఘా ఆర్ట్స్, ఎమ్ ఎన్ ఓ ప్రొడక్షన్స్ సంస్థల పై నిర్మితం అయిన ఈ సిరీస్ కి సురేష్ బొబ్బిలి సంగీతం అందించగా వసంతిక, రోహన్ మరియు స్నేహల్ కామత్ ఇతర కీలక పాత్రల్లో నటించారు.
