అశ్విన్ బాబు, నందిత శ్వేత ప్రధాన పాత్రల్లో, అనీల్ కన్నెగంటి దర్శకత్వం లో తెరకెక్కిన యాక్షన్ థ్రిల్లర్ హిడింబ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం డిజిటల్ ప్రీమియర్ గా కూడా మంచి రెస్పాన్స్ ను సొంతం చేసుకుంది. అయితే ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
ఈ చిత్రం ఈ ఆదివారం మధ్యాహ్నం 1:00 గంటలకి ప్రముఖ టీవీ ఛానల్ అయిన స్టార్ మా లో ప్రసారం కానుంది. శ్రీ విఘ్నేశ్ కార్తిక్ సినిమాస్, OAK ఎంటర్ టైన్మెంట్స్ బ్యానర్ లపై నిర్మించిన ఈ చిత్రానికి వికాస్ బడిస సంగీతాన్ని అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
