సూపర్ స్టార్ రజనీకాంత్ ప్రధాన పాత్రలో, డైరెక్టర్ నెల్సన్ దిలీప్ కుమార్ దర్శకత్వం లో తెరకెక్కిన యాక్షన్ ఎంటర్టైనర్ జైలర్. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. బాక్సాఫీస్ వద్ద మంచి వసూళ్లను రాబట్టిన ఈ సినిమా, తమిళ నాట బ్లాక్ బస్టర్ గా నిలిచింది. ఈ చిత్రం వరల్డ్ టెలివిజన్ ప్రీమియర్ కి రెడీ అయిపోయింది. ఈ చిత్రం దీపావళి పండుగ సందర్భంగా బుల్లితెర ప్రేక్షకులను అలరించనుంది.
నవంబర్ 12, 2023 న సాయంత్రం 6:00 గంటలకి ప్రముఖ టీవీ ఛానల్ అయిన జెమిని టీవీ లో ప్రసారం కానున్నట్లు గతంలో వెల్లడించడం జరిగింది. అయితే సాయంత్రం 6:30 గంటలకి ప్రసారం కానున్నట్లు తాజాగా వెల్లడించింది. రమ్య కృష్ణ, యోగి బాబు, మోహన్ లాల్, శివ రాజ్ కుమార్, జాకీ ష్రాఫ్, సునీల్, తమన్నా భాటియా తదితరులు ఈ చిత్రం లో కీలక పాత్రల్లో నటించారు. అనిరుద్ రవి చందర్ సంగీతం అందించిన ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
