నటసింహం నందమూరి బాలకృష్ణ ప్రస్తుతం అటు సినిమాలతో ఇటు రాజకీయాలు అలానే మరోవైపు ఆహాలో అన్ స్టాపబుల్ షో తో అందరినీ ఆకట్టుకుంటూ ముందుకు సాగుతున్నారు. ఇక ప్రస్తుతం యువ దర్శకుడు బాబీ దర్శకత్వంలో ఒక మాస్ యాక్షన్ మూవీ చేస్తున్నారు బాలకృష్ణ. మరోవైపు కొద్దిరోజుల క్రితం ఆహాలో ప్రారంభం అయిన అన్ స్టాపబుల్ లిమిటెడ్ ఎడిషన్ ఫస్ట్ ఎపిసోడ్ లో భగవంత్ కేసరి టీమ్ ఎంట్రీ ఇచ్చి అందరినీ ఆకట్టుకున్న విషయం తెలిసిందే.
అయితే లేటెస్ట్ టాలీవుడ్ క్రేజీ టాక్ ప్రకారం నెక్స్ట్ ఎపిసోడ్ కి బాలీవుడ్ నటుడు రణబీర్ కపూర్, రష్మిక మందన్న ల యానిమల్ మూవీ టీమ్ రానున్నట్టు తెలుస్తోంది. కాగా హీరో రణబీర్ కపూర్, హీరోయిన్ రష్మికతో పాటు ఆ మూవీ దర్శకుడు సందీప్ రెడ్డి వంగా కూడా ఈ షోలో సందడి చేయనుండగా, అతి త్వరలో వీరి ప్రత్యేక ఎపిసోడ్ గ్రాండ్ గా షూట్ చేయనున్నారని అంటున్నారు. మొత్తంగా ఈ న్యూస్ ప్రస్తుతం సోషల్ మీడియాలో వైరల్ అవుతోంది.
