పాన్ ఇండియా స్టార్ ప్రభాస్ హీరోగా బాలీవుడ్ స్టార్ హీరోయిన్ కృతి సనన్ హీరోయిన్ గా దర్శకుడు ఓంరౌత్ తెరకెక్కించిన భారీ పాన్ ఇండియా చిత్రం “ఆదిపురుష్” కోసం అందరికీ తెలిసిందే. మరి ఈ చిత్రాన్ని అయితే మేకర్స్ రామాయణం ఆధారంగా తెరకెక్కించగా ఈ చిత్రం అయితే అనుకున్న రేంజ్ లో సక్సెస్ ని అందుకోలేదు.
కానీ తెలుగు సహా హిందీలో భారీ ఓపెనింగ్స్ ని అందుకున్న ఈ చిత్రం రీసెంట్ గానే తెలుగులో ప్రముఖ ఛానెల్ స్టార్ మా లో మొదటిసారిగా టెలికాస్ట్ కి రాగా ఈ చిత్రం ఇటీవల వచ్చిన కొన్ని చిత్రాల కంటే బెటర్ గా రేటింగ్ ని రాబట్టింది అని చెప్పాలి. మరి ఆదిపురుష్ తన ఫస్ట్ టెలికాస్ట్ లో 9.47 రేటింగ్ ని అందుకున్నట్టుగా తెలుస్తుంది.
దీనితో ఈ సినిమాపై వచ్చిన ఇంత నెగిటివ్ లో కూడా ఇలాంటి రేటింగ్ రావడం చాలా డీసెంట్ అని చెప్పవచ్చు. ఇక ఈ చిత్రానికి అజయ్ అతుల్ లు సంగీతం అందించగా టి సిరీస్ వారు భారీ వ్యయంతో ఈ సినిమాని నిర్మాణం వహించారు.
