ప్రస్తుతం నందమూరి నటసింహం నందమూరి బాలకృష్ణ హీరోగా కాజల్ హీరోయిన్ గా నటించిన లేటెస్ట్ చిత్రం “భగవంత్ కేసరి” తో బాలయ్య మంచి హిట్ ని అందుకున్న సంగతి అందరికీ తెలిసిందే. మరి రీసెంట్ గానే బాలయ్య తన ఓటిటి సెన్సేషనల్ హిట్ షో అన్ స్టాప్పబుల్ సీజన్ 3 ని మళ్ళీ స్టార్ట్ చేయగా దానికి కూడా మంచి రెస్పాన్స్ స్టార్ట్ అయ్యింది. అయితే ఈ సారి ఒక స్పెషల్ ఎపిసోడ్ ని అయితే మేకర్స్ ప్లాన్ చేస్తున్నట్టుగా టాక్ వచ్చింది.
మొదటిసారిగా అయితే ఈ షో కి బాలీవుడ్ హీరో రణబీర్ కపూర్ తన చిత్రం యానిమల్ ప్రమోషన్స్ ల భాగంగా రానున్నాడు అని కొన్ని వార్తలు వచ్చాయి. మరి ఇపుడు ఇది కన్ఫర్మ్ అయ్యిపోయింది. బాలయ్య షోలో అయితే త్వరలోనే ఈ పాన్ ఇండియా ఎపిసోడ్ ని చూడబోతున్నామని లేటెస్ట్ గా కన్ఫర్మ్ అయ్యింది.
దర్శకుడు సందీప్ వంగ రణబీర్ కపూర్ హీరోగా చేసిన యానిమల్ చిత్రం అయితే పాన్ ఇండియా లెవెల్లో ఈ డిసెంబర్ 1న రిలీజ్ చేస్తుండగా అందులో భాగంగా అయితే యూనిట్ ఈ క్రేజీ షో కి రానున్నారు. దీనితో ఈ పాన్ ఇండియా ఎపిసోడ్ మంచి హైప్ తెచ్చుకుంది. ఇక దీనిపై మరిన్ని డీటెయిల్స్ ముందు రానున్నాయి.
