బాలీవుడ్ బాద్షా షారుఖ్ ఖాన్ హీరోగా దీపికా పదుకోన్ అలాగే నయనతార లు హీరోయిన్స్ గా దర్శకుడు అట్లీ తెరకెక్కించిన సెన్సేషనల్ హిట్ చిత్రం “జవాన్”. మరి ఎన్నో అంచనాలు నడుమ వచ్చి షారుఖ్ కెరీర్లోనే మరో బిగ్గెస్ట్ హిట్ గా నిలిచిన ఈ చిత్రం రీసెంట్ గానే ఓటీటీ లో కూడా రిలీజ్ అయ్యింది. మరి నెట్ ఫ్లిక్స్ లో ఈ చిత్రం పాన్ ఇండియా భాషల్లో రిలీజ్ కాగా మొదటి వీకెండ్ లోనే రికార్డ్ బ్రేకింగ్ రెస్పాన్స్ ఈ సినిమా సొంతం చేసుకుంది.
ఇక ఇప్పుడు అయితే 11 రోజుల్లో ఏకంగా 25.5 మిలియన్ వ్యూస్ ని నెట్ ఫ్లిక్స్ లో జవాన్ నమోదు చేసినట్టుగా తెలుస్తోంది. దీనితో ఓటీటీ లో మాత్రం మన RRR తర్వాత ఈ చిత్రమే హైయెస్ట్ వ్యూస్ తో ఇప్పుడు దూసుకెళ్తుంది. ఇక ఈ భారీ చిత్రానికి అనిరుద్ సంగీతం అందించాడు అలాగే గౌరి ఖాన్ ఈ సినిమాను నిర్మాణం వహించారు.
