ప్రస్తుతం మన దేశంలో 2023 ప్రపంచ కప్ జరుగుతున్న సంగతి అందరికీ తెలిసిందే. మరి నిన్న మోస్ట్ అవైటెడ్ మ్యాచ్ ఫైనల్స్ కి ఒక్క అడుగు దూరంలో ఉండే మ్యాచ్ సెమిస్ మనకి బాగా కావాల్సిన ప్రత్యర్థి టీం న్యూజిలాండ్ తో అయితే వాంఖడే స్టేడియంలో జరిగింది. మరి ఈ మ్యాచ్ ప్రత్యక్షంగా వీక్షించేందుకు అనేకమంది సినీ తారలు కూడా పాన్ ఇండియా సినిమా నుంచి వచ్చారు.
మరి ఈ అందరి సమక్షంలో ఒక ఉత్కంఠభరితమైన మూమెంట్స్ నడుమ భారత్ ఫైనల్స్ కి చేరుకుంది. మరి రసవత్తరంగా కొనసాగిన ఈ మ్యాచ్ లో అయితే మహమ్మద్ షమీ తన బౌలింగ్ లో భారత్ విజయాన్ని దగ్గరకు తీసుకురాగా విరాట్ కోహ్లీ శతకంతో చరిత్ర తిరగరాసాడు. అలాగే యంగ్ క్రికెటర్ శ్రేయాస్ అయ్యర్ కీలకమైన సెంచరీ కూడా భారత్ భారీ స్కోర్ చేసేందుకు ఎంతగానో దోహదపడింది.
మరి ఇంతలా రసవత్తరంగా సాగిన ఈ మ్యాచ్ ని ఓటిటి లో కూడా రికార్డు మొత్తంలో ఆడియెన్స్ వీక్షించారు. ఓటిటి హిస్టరీ లోనే హాట్ స్టార్ హైయెస్ట్ వ్యూస్ ని అందుకుంది. నిన్న మ్యాచ్ కీలక స్థాయిలో ఉన్నపుడు హాట్ స్టార్ ఏకంగా 53 మిలియన్ వ్యూస్ ని రిజిస్టర్ చేసింది. దీనితో పాత రికార్డ్స్ అన్నీ గల్లంతయ్యి సరికొత్త రికార్డ్స్ సెట్ చేసింది. ఇక దీనికే ఇలా ఉంటే ఫైనల్స్ లో రెస్పాన్స్ ఎలా ఉంటుందో చూడాలి.
