ప్రస్తుతం ఎంటర్టైన్మెంట్ రంగంలో ఓటిటి ట్రెండ్ ఎలా ఉందో తెలిసిందే. అయితే ఈ ఓటిటి అప్పుడప్పుడే ఊపందుకుంటున్న సమయంలో థియేటర్స్ కి కాస్త ఇబ్బందిగా మారుతుంది అనే టాక్ వచ్చింది. దీనితో మారుతున్న కాలంలో థియేటర్స్ కోసం కొన్ని ఓటిటి ఒప్పందాలు వచ్చాయి. కానీ ఇప్పుడు మాత్రం కొన్ని సినిమాల విషయంలో ఇవేవి వర్కౌట్ కావడం లేదు.
ఆ మధ్య సినిమాలు దాదాపు నాలుగు వారాల్లోనే ఓటిటిలో వచ్చేస్తుంటే కాదు 8 వారాల్లో రావాలని టాలీవుడ్ లో రూల్ వచ్చింది. కానీ అది అలాగే కనుమరుగు అయ్యిపోయింది. ఇక మళ్ళీ అంతా షరా మామూలే కాగా ఇప్పుడు మన సౌత్ ఇండియా సినిమా నుంచి ఈ సంక్రాంతి కానుకగా చాలానే చిత్రాలు థియేటర్స్ లో వచ్చి మంచి వసూళ్లతో రాణించాయి.
తెలుగు సహా తమిళ్ నుంచి కూడా వచ్చిన పలు చిత్రాల్లో నాలుగు సినిమాలు అప్పుడే ఓటిటిలో అఫీషియల్ గా ఫిక్స్ అయ్యాయి. గత నెల జనవరి సంక్రాంతి కానుకగా జనవరి 12న తమిళ్ నుంచి వచ్చిన కెప్టెన్ మిల్లర్ ఫిబ్రవరి 9న ప్రైమ్ వీడియోలో వచ్చేస్తుంది. అలాగే తెలుగు నుంచి మహేష్ బాబు నటించిన గుంటూరు కారం కూడా అదే డేట్ లో నెట్ ఫ్లిక్స్ లో రాబోతుంది.
ఇక వెంకీ మామ నటించిన సైంధవ్ జనవరి 13న రిలీజ్ అయితే ఇది ఆల్రెడీ ప్రైమ్ వీడియోలో స్ట్రీమ్ అవుతుంది. ఇక వీటితో పాటుగా మరో తమిళ చిత్రం అయలాన్ కూడా ఈ ఫిబ్రవరి 9నే వచ్చేస్తుంది అని స్ట్రాంగ్ బజ్ ఉంది. దీనితో ఈ సంక్రాంతి సినిమాల్లో ఒక్క హనుమాన్, నా సామిరంగ తప్ప అన్నీ నెల లోపే వచ్చేస్తున్నాయని అని చెప్పాలి.
