సూపర్ స్టార్ మహేష్ బాబు లేటెస్ట్ మూవీ గుంటూరు కారం ఇటీవల సంక్రాంతి కానుకగా ఆడియన్స్ ముందుకి వచ్చి మంచి విజయం అందుకుంది. ఫస్ట్ డే ఒకింత నెగటివ్ టాక్ సొంతం చేసుకున్న ఈ మూవీ ఫ్యాన్స్ ని ఫ్యామిలీ ఆడియన్స్ ని ఆకట్టుకుని పలు చోట్ల బ్రేక్ ఈవెన్ సొంతం చేసుకుంది.
త్రివిక్రమ్ తెరకెక్కించిన ఈ మూవీలో శ్రీలీల, మీనాక్షి చౌదరి హీరోయిన్స్ గా నటించగా కీలక పాత్రల్లో రమ్యకృష్ణ, ప్రకాష్ రాజ్, జగపతిబాబు, ఈశ్వరిరావు, రఘుబాబు తదితరులు కీలక పాత్రలు చేసారు. ఎస్ థమన్ సంగీతం అందించిన ఈ మూవీని హారిక హాసిని క్రియేషన్స్ సంస్థ నిర్మించింది.
విషయం ఏమిటంటే, నేడు కొద్దిసేపటి క్రితం గుంటూరు కారం మూవీ ప్రముఖ ఓటిటి మాధ్యమం నెట్ ఫ్లిక్స్ ద్వారా తెలుగు, తమిళ, హిందీ, కన్నడ, మలయాళ భాషల ఆడియన్స్ ముందుకి వచ్చింది. మరి ఈ మూవీకి ఓటిటి ఆడియన్స్ నుండి ఎంతమేర రెస్పాన్స్ వస్తుందో చూడాలి.
