రెబల్ స్టార్ ప్రభాస్ (Prabhas) హీరోగా నటించిన లేటెస్ట్ మూవీ కల్కి 2898 AD. టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన ఈ మైథాలజీ సైన్స్ ఫిక్షన్ మూవీ జూన్ 27, 2024 న వరల్డ్ వైడ్ గా థియేటర్ల లో గ్రాండ్ రిలీజ్ కి రెడీ అయిపోయింది. రిలీజ్ డేట్ దగ్గర పడుతుండటంతో మేకర్స్ ఆడియెన్స్ కి సినిమా పై ఆసక్తి కలిగించే విధంగా ప్రమోషన్స్ ను చేస్తున్నారు. బుజ్జి లాంఛ్ ఈవెంట్ ను నిర్వహించగా సూపర్ సక్సెస్ అయ్యింది. కీర్తి సురేష్ వాయిస్ ఓవర్ తో ఈ బుజ్జి రోల్ ఉండనుంది.
సినిమా ను అందరికీ చేరువ చేసే విధంగా బుజ్జి & భైరవ అనే యానిమేటెడ్ సిరీస్ ను ప్రైమ్ వీడియో లో రిలీజ్ చేశారు మేకర్స్. రెండు ఎపిసోడ్ లతో ఉన్న ఈ సిరీస్ లో ప్రభాస్ భైరవ రోల్ లో ఆకట్టుకున్నారు. సాలిడ్ పెర్ఫార్మెన్స్ తో మాంచి ఎంటర్ టైన్మెంట్ ను అందించారు. బుజ్జి మరియు భైరవ లు పూర్తి స్థాయిలో అలరించారు. మరో రెండు ఎపిసోడ్ లను సినిమా రిలీజ్ అనంతరం రిలీజ్ చేయనున్నారు.
అయితే ఈ సిరీస్ సినిమా పై ప్రేక్షకుల్లో, అభిమానుల్లో క్యూరియాసిటి ను క్రియేట్ చేయడం జరిగింది. తమ అభిమాన హీరో ప్రభాస్ ను ఇలాంటి రోల్ లో చూడటం పట్ల సంతోషం వ్యక్తం చేస్తున్నారు. ఒక పక్క డైరెక్టర్ నాగ్ అశ్విన్ పై ప్రశంసల వర్షం కురిపిస్తున్నారు. సినిమాకి వేరే లెవెల్ మ్యూజిక్ అందించిన సంతోష్ నారాయణన్ ను కూడా అభినందిస్తున్నారు. వెండితెర పై ఇదే రేంజ్ పెర్ఫార్మెన్స్ కొనసాగిస్తే బాక్సాఫీస్ రికార్డులను తిరగరాయడం ఖాయం అని చెప్పాలి.
ఈ క్రేజీ ప్రాజెక్ట్ లో బాలీవుడ్ స్టార్ హీరోయిన్స్ దీపికా పదుకునే, దిశా పటాని లు కథానాయికలు గా నటిస్తుండగా, యూనివర్సల్ స్టార్ హీరో కమల్ హాసన్, బాలీవుడ్ మెగాస్టార్ అమితాబ్ బచ్చన్ లు కీలక పాత్రల్లో కనిపించనున్నారు.
