ఓటిటి డేట్ లాక్ చేసుకున్న ‘పారిజాత ప‌ర్వం’

క్రైమ్ కామెడీ ఎంట‌ర్టైనర్ గా తెర‌కెక్కిన ‘పారిజాత ప‌ర్వం’ మూవీ రీసెంట్ గా రిలీజ్ అయ్యి బాక్సాఫీస్ వ‌ద్ద మిక్సిడ్ టాక్ ను సొంతం చేసుకుంది. ఈ సినిమాను సంతోష్ కంభంపాటి తెర‌కెక్కించిన ఈ సినిమా ఇప్పుడు ఓటిటి డేట్ ను లాక్ చేసుకుంది.

ప్ర‌ముఖ ఓటిటి ప్లాట్ ఫామ్ ఆహాలో ఈ మూవీ జూన్ 12 నుంచి స్ట్రీమింగ్ కు రానున్న‌ట్లు మేక‌ర్స్ వెల్ల‌డించారు. కంటెంట్ తో పాటు కామెడీ ఉన్న ఈ సినిమా ఓటిటి ప్రేక్ష‌కుల‌ను ఖ‌చ్చితంగా అల‌రిస్తుంద‌ని వారు అంటున్నారు. ఈ సినిమాలో సునీల్, హ‌ర్ష పండించే కామెడీ హైలైట్ గా నిలిచింది. శ్రీకాంత్ అయ్యంగార్ కూడా మంచి కామెడీని పండించాడు.

చైత‌న్య రావు, శ్ర‌ద్ధా దాస్, మాళ‌విక స‌తీశ‌న్, సురేఖ వాణి త‌దిత‌రులు ఈ సినిమాలో ఇత‌ర ముఖ్య పాత్ర‌ల్లో న‌టిస్తున్నారు. మ‌రి ఈ సినిమాకు ఓటిటిలో ఎలాంటి రెస్పాన్స్ ద‌క్కుతుందో చూడాలి.