‘స‌త్యభామ’ ఓటిటి పార్ట్న‌ర్ లాక్.. స్ట్రీమింగ్ అందులోనే!

‘క్వీన్ ఆఫ్ మాసెస్’ కాజ‌ల్ అగ‌ర్వాల్ న‌టించిన లేటెస్ట్ మూవీ ‘స‌త్య‌భామ’ జూన్ 7న ప్ర‌పంచ‌వ్యాప్తంగా థియేట‌ర్ల‌లో రిలీజ్ అయ్యింది. ఈ సినిమాపై ప్రేక్ష‌కుల్లో మంచి అంచ‌నాలు క్రియేట్ చేయ‌డంలో చిత్ర యూనిట్ స‌క్సెస్ అయ్యింది. దీంతో ఈ సినిమాను చూసేందుకు ఆడియెన్స్ థియేట‌ర్లు క్యూ క‌ట్టారు. పాజిటివ్ టాక్ తో ఈ సినిమా స‌క్సెస్ ఫుల్ గా ర‌న్ అవుతోంది.

ఇదిలా ఉండ‌గా, ఈ చిత్రానికి సంబంధించిన ఓటిటి పార్ట్న‌ర్ ను మేక‌ర్స్ లాక్ చేశారు. యాక్ష‌న్ ఎంట‌ర్టైన‌ర్ గా తెర‌కెక్కిన ‘స‌త్య‌భామ’ మూవీకి సంబంధించిన డిజిటల్ రైట్స్ ప్ర‌ముఖ ఓటిటి ప్లాట్ ఫామ్ ఆహా ద‌క్కించుకున్న‌ట్లుగా తెలుస్తోంది. దీంతో ఈ సినిమా ఓటిటి స్ట్రీమింగ్ ఆహాలో జ‌ర‌గ‌నుంది. ఇక ఈ సినిమాలో కాజ‌ల్ ప‌ర్ఫార్మెన్స్ కు ప్రేక్ష‌కులు ఫిదా అవుతున్నారు.

కాజ‌ల్ లీడ్ రోల్ లో న‌టించిన ‘స‌త్య‌భామ’ మూవీని సుమ‌న్ చిక్కాల డైరెక్ట్ చేశారు. ఈ సినిమాలో న‌వీన్ చంద్ర‌, ప్ర‌కాష్ రాజ్, ర‌వివ‌ర్మ‌, నాగినీడు త‌దిత‌రులు ఇత‌ర ముఖ్య పాత్ర‌ల్లో నటించారు. శ్రీచ‌ర‌ణ్ పాకాల సంగీతం అందించిన‌ ఈ సినిమాను ఆర‌మ్ ఆర్ట్స్ బ్యాన‌ర్ ప్రొడ్యూస్ చేసింది.