లోక నాయకుడు కమల్ హాసన్ హీరోగా యంగ్ హీరో సిద్ధార్థ్ ముఖ్య పాత్రలో దర్శకుడు శంకర్ తెరకెక్కించిన లేటెస్ట్ అవైటెడ్ చిత్రమే “భారతీయుడు 2”. మరి తమ కల్ట్ క్లాసిక్ చిత్రం భారతీయుడు కి సీక్వెల్ గా ఎన్నో ఏళ్ల తర్వాత వచ్చిన ఈ చిత్రం అంచనాలు అందుకోవాలని అభిమానులు కోరుకుంటున్నారు.
అయితే ఈ సినిమాకి కూడా మరో కొనసాగింపు చిత్రం ఉంటుంది అని ఆల్రెడీ శంకర్ అండ్ కో అనౌన్స్ చేసిన సంగతి తెలిసిందే. అలా చెప్పినట్టే భారతీయుడు 2 ఎండింగ్ లో భారతీయుడు 3 కోసం చూపించారు. అయితే భారతీయుడు 3 కి గాను ఓ పవర్ఫుల్ టైటిల్ ని శంకర్ పెట్టారు. దీనితో రాబోవు భాగం “భారతీయుడు 3 వార్ మోడ్” అని రానుంది.
దీనితో పార్ట్ 3 భీకర యాక్షన్ సీక్వెన్స్ లతో ఉండబోతుంది అని చెప్పవచ్చు. మరి ఈ భారీ చిత్రాన్ని కూడా షూటింగ్ మేకర్స్ కంప్లీట్ చేయగా దీనిని ఇప్పుడు భారతీయుడు 2 కి మరో 6 నెలలు గ్యాప్ లో రిలీజ్ చేయాలని ఫిక్స్ చేశారు. మరి దీనిపై మరిన్ని డీటెయిల్స్ రావాల్సి ఉంది.
