లోక నాయకుడు కామ హాసన్ హీరోగా దర్శకుడు శంకర్ కాంబినేషన్ లో వచ్చిన అవైటెడ్ సీక్వెల్ చిత్రమే “ఇండియన్ 2”. మరి తమ క్లాసిక్ హిట్ చిత్రం “ఇండియన్” కి సీక్వెల్ గా ఎన్నో ఏళ్ళు తర్వాత వచ్చిన ఈ చిత్రం పట్ల కమల్ అభిమానులు శంకర్ అభిమానులు ఆసక్తి చూపించారు. అయితే ఈ సినిమా ప్రమోషనల్ కంటెంట్ మరీ అంత ఎక్కువ బజ్ ని రేకెత్తించలేకపోయిన సంగతి తెలిసిందే.
దీనితో కాస్త తక్కువ హైప్ లోనే ఇండియన్ 2 వరల్డ్ వైడ్ గా రిలీజ్ అయ్యిందని చెప్పాలి. అయితే ఈ తక్కువ హైప్ తో మొదటి రోజు యావరేజ్ వసూళ్లనే ఈ చిత్రం అందుకున్నట్టుగా తెలుస్తుంది. మరి లేటెస్ట్ అప్డేట్ ప్రకారం వరల్డ్ వైడ్ ఇండియన్ 2 60 కోట్ల మార్క్ ని కూడా అందుకోవడం కష్టమే అన్నట్టుగా తెలుస్తుంది. 55 నుంచి 60 కోట్లు మాత్రమే వచ్చే ఛాన్స్ ఉందని టాక్. మరి మేకర్స్ అఫీషియల్ గా ఎలాంటి నెంబర్ రివీల్ చేస్తారో చూడాలి.
