ప్ర‌స్తుతం దేశవ్యాప్తంగా ప్ర‌జ‌లందరూ ఏదైనా చ‌ర్చించుకుంటున్నారా అంటే.. అది ఖ‌చ్చితంగా అంబానీ ఇంట జరుగుతున్న వేడుక గురించే. దేశంలోనే సంప‌న్నుడైన ముఖేష్ అంబానీ కుమారుడు అనంత్ అంబానీ వివాహం రాధికా మ‌ర్చెంట్ తో అట్ట‌హాసంగా జ‌రుగుతోంది. ముంబైలో జరుగుతున్న ఈ వివాహ వేడుక జూలై 12-14 తేదీల‌లో అంగ‌రంగ వైభ‌వంగా నిర్వ‌హిస్తున్నారు.
ఈ వివాహ వేడుక కోసం సినీ, రాజ‌కీయ, అంత‌ర్జాతీయ ప్ర‌ముఖులు ముంబైలో ల్యాండ్ అయ్యారు. అయితే, టాలీవుడ్ నుంచి కూడా ప‌లువురు స్టార్స్ ఈ వేడుక‌కు హాజ‌ర‌య్యారు. వారిలో సూప‌ర్ స్టార్ మ‌హేష్ బాబు అండ్ ఫ్యామిలీ కూడా ఉంది. అంబానీ వారి ఇంట సెల‌బ్రిటీలు సంద‌డి చేస్తున్నారు. ఈ క్ర‌మంలో ఇండియ‌న్ క్రికెట్ జ‌ట్టు మాజీ కెప్టెన్ మ‌హేంద్ర సింగ్ ధోనీతో కలిసి మ‌హేష్ బాబు ఉన్న ఓ ఫోటోను మ‌హేష్ తాజాగా త‌న ఇన్స్టా అకౌంట్ లో పోస్ట్ చేశాడు.
”లెజెండ్ తో..” అంటూ మ‌హేష్ ఈ ఫోటోకు క్యాప్ష‌న్ ఇవ్వ‌డంతో ఆయ‌న అభిమానుల‌తో పాటు ధోనీ ఫ్యాన్స్ కూడా ఈ ఫోటోను నెట్టింట తెగ షేర్ చేస్తున్నారు. ఇక మ‌హేష్ ఈ ఈవెంట్ లో అల్ట్రా స్టైలిష్ లుక్ లో క‌నిపించ‌డంతో ఆయ‌న అభిమానులు సంతోషం వ్య‌క్తం చేస్తున్నారు.
