ఉస్తాద్ రామ్ పోతినేని న‌టిస్తున్న క్రేజీ సీక్వెల్ మూవీ ‘డ‌బుల్ ఇస్మార్ట్’ ఇప్ప‌టికే షూటింగ్ ప‌నులు ముగించుకుంది. ఈ సినిమాను ద‌ర్శ‌కుడు పూరి జ‌గ‌న్నాధ్ తెర‌కెక్కిస్తుండ‌టంతో బాక్సాఫీస్ వ‌ద్ద ఈ చిత్రం గ్యారెంటీ హిట్ అనే బ‌జ్ క్రియేట్ చేసుకుంది. ఇక ఈ సినిమా నుండి రిలీజ్ అయిన పోస్ట‌ర్స్, ఫ‌స్ట్ సాంగ్ ఇప్ప‌టికే ప్రేక్ష‌కుల‌ను అమితంగా ఆక‌ట్టుకున్నాయి.
ఈ చిత్రానికి మెలోడి బ్ర‌హ్మ మ‌ణిశ‌ర్మ సంగీతం అందిస్తుండ‌టంతో పాట‌ల‌పై కూడా మంచి హైప్ క్రియేట్ అయ్యింది. దానికి త‌గ్గ‌ట్గుగానే ”స్టెప్పా మార్” అనే ఫ‌స్ట్ సింగిల్ కు ట్రెమెండ‌స్ రెస్పాన్స్ ల‌భించింది. ఇక ఇప్పుడు ఈ సినిమాలోని రెండో సాంగ్ ను రిలీజ్ చేసేందుకు మేక‌ర్స్ సిద్ధ‌మ‌య్యారు. ‘రియ‌ల్ ఎంజాయ్మెంట్ బిగిన్స్’ అంటూ మేక‌ర్స్ ఈ పాట‌పై హైప్ క్రియేట్ చేస్తున్నారు. ”మార్ ముంతా చోడ్ చింతా..” అంటూ సాగే ఈ లిరిక‌ల్ వీడియో సాంగ్ ను జూలై 16న రిలీజ్ చేస్తున్నట్లు ప్ర‌క‌టించారు.
రామ్ అల్ట్రా స్టైలిష్ లుక్ తో క‌నిపిస్తున్న ఈ సినిమాలో అందాల భామ కావ్య థాప‌ర్ హీరోయిన్ గా న‌టిస్తోంది. బాలీవుడ్ యాక్ట‌ర్ సంజ‌య్ ద‌త్ ఈ సినిమాలో విల‌న్ గా న‌టిస్తున్నాడు. ఈ సినిమాను పూరి క‌నెక్ట్స్ బ్యాన‌ర్ పై ఛార్మితో క‌లిసి పూరి జ‌గ‌న్నాధ్ ప్రొడ్యూస్ చేస్తున్నారు. ఆగ‌స్టు 15న ప్ర‌పంచ‌వ్యాప్తంగా ఈ సినిమాను రిలీజ్ చేసేందుకు మేక‌ర్స్ రెడీ అయ్యారు.
