నేచుర‌ల్ స్టార్ నాని న‌టిస్తున్న తాజా చిత్రం ”స‌రిపోదా శనివారం” ప్రేక్ష‌కుల్లో మంచి బ‌జ్ ను క్రియేట్ చేసింది. ఈ సినిమాను ద‌ర్శ‌కుడు వివేక్ ఆత్రేయ తెర‌కెక్కిస్తుండ‌టంతో ఈ మూవీ బాక్సాఫీస్ వ‌ద్ద ఎలాంటి సెన్సేష‌న్ క్రియేట్ చేస్తుందా అని అభిమానులు ఆస‌క్తిగా ఎదురుచూస్తున్నారు. ఇక ఈ సినిమాలోని ఫ‌స్ట్ లుక్ పోస్ట‌ర్స్, ఫ‌స్ట్ లిరిక‌ల్ సాంగ్ ఈ మూవీపై అంచ‌నాల‌ను అమాంతం పెంచేశాయి.
తాజాగా ఈ సినిమా నుండి ‘ఉల్లాసం’ అనే రెండో లిరిక‌ల్ సాంగ్ ను మేక‌ర్స్ రిలీజ్ చేశారు. పూర్తిగా రొమాంటిక్ మెలోడీ సాంగ్ గా ఈ పాట‌ను సంగీత ద‌ర్శ‌కుడు జేక్స్ బిజోయ్ కంపోజ్ చేశాడు. సంజిత్ హెగ్డే, కృష్ణ లాస్య ముత్యాల ఈ పాట‌ను ఆల‌పించిన తీరు ప్రేక్ష‌కుల‌ను ఆక‌ట్టుకుంటుంది.
ఈ పాట‌లో నాని, ప్రియాంక మోహ‌న్ లు చాలా క్యూట్ గా క‌నిపిస్తుండ‌టంతో అభిమానులు ఈ జోడీని బిగ్ స్క్రీన్ పై ఎప్పుడెప్పుడు చూద్దామా అని ఆస‌క్తిగా చూస్తున్నారు. ఇక ఈ సినిమాను డివివి దాన‌య్య, క‌ళ్యాణ్ దాస‌రి ప్రొడ్యూస్ చేస్తున్నారు. ఈ చిత్రాన్ని ఆగ‌స్టు 29న ప్ర‌పంచ‌వ్యాప్తంగా రిలీజ్ చేసేందుకు మేక‌ర్స్ రెడీ అయ్యారు.
