మన సౌత్ ఇండియా సినిమా దగ్గర తన మ్యూజిక్ తో ఆడియెన్స్ ఉర్రూతలూగించే స్టార్ మ్యూజిక్ దర్శకుల్లో సెన్సేషనల్ మ్యూజిక్ దర్శకుడు అనిరుద్ కూడా ఒకడు. మరి రీసెంట్ టైం లో అనిరుద్ ఇచ్చిన ప్రతి సినిమా పాటలు కానీ బ్యాక్గ్రౌండ్ స్కోర్ లు కానీ ఓ రేంజ్ లో హిట్ అయ్యాయి. అయితే ఈ మధ్య కాలంలో వచ్చిన అన్ని చిత్రాల్లో మాత్రం ఓ సినిమాకి తన వర్క్ వీక్ గా ఉందని కామెంట్స్ వినిపిస్తున్నాయి.
మరి ఆ సినిమానే “ఇండియన్ 2” (Indian 2). కమల్ హాసన్ (Kamal Haasan), శంకర్ (Shankar) కాంబినేషన్ లో వచ్చిన క్లాసిక్ హిట్ చిత్రం ఇండియన్ కి సీక్వెల్ గా ఈ సినిమాని చేయగా దీనికి రెహమాన్ ని కాదని అనిరుద్ కి అవకాశం ఇవ్వడంపై అప్పట్లోనే కామెంట్స్ వినిపించాయి. కానీ తన ఆల్బమ్ తో అనిరుద్ మెప్పించాడు.
కానీ సినిమా చూసాక మాత్రం తన బ్యాక్గ్రౌండ్ స్కోర్ తో మాత్రం మెప్పించలేకపోయాడు అనే కామెంట్స్ ఇప్పుడు ఎక్కువ వినిపిస్తున్నాయి. ఇంకా కొన్ని సీన్స్ లో ఏ ఆర్ రెహమాన్ పాత స్కోర్ ఉండడం వల్ల సినిమా కొంచెం అయ్యినా సేవ్ అయ్యింది కానీ అనిరుద్ వర్క్ మాత్రం ఈ సినిమాకి వీక్ గానే ఉందని ఇప్పుడు ఎక్కువ కామెంట్స్ వినిపిస్తున్నాయి.
