టాలీవుడ్ నటుడు, కమెడియన్ ప్రియదర్శి మరియు నభా నటేష్ ప్రధాన జంటగా నటించిన రొమాంటిక్ కామెడీ ఎంటర్టైనర్ డార్లింగ్. జూలై 19, 2024న థియేటర్లలోకి రానున్న ఈ చిత్రంపై ప్రేక్షకుల్లో ఆసక్తి నెలకొంది. అశ్విన్ రామ్ ఈ చిత్రానికి దర్శకత్వం వహించారు. ఇప్పటికే ఈ చిత్రం నుండి రిలీజైన ప్రచార చిత్రాలకి మంచి రెస్పాన్స్ వచ్చింది. ఇటీవల రిలీజైన ట్రైలర్ సినిమాపై మరింత ఆసక్తి కలిగించే విధంగా ఉంది. రిలీజ్ డేట్ దగ్గర పడుతుండటంతో మేకర్స్ ప్రమోషన్స్ ను వేగవంతం చేయడం జరిగింది.
అందులో భాగంగా ప్రీ రిలీజ్ ఈవెంట్ ను ప్లాన్ చేయడం జరిగింది. జూలై 15 సోమవారం రోజున హైదరాబాద్ లోని పార్క్ హయాత్ లో ఈ ప్రీ రిలీజ్ ఈవెంట్ జరగనుంది. ఈ వేడుకకి నాచురల్ స్టార్ నాని ముఖ్య అతిథిగా హాజరు కానున్నారు. అనన్య నాగళ్ల, మోయిన్, శివా రెడ్డి, మురళీధర్ గౌడ్, బ్రహ్మానందం, కళ్యాణి రాజ్ తదితరులు కీలక పాత్రల్లో నటించిన ఈ చిత్రాన్ని ప్రైమ్‌షో ఎంటర్టైన్మెంట్ బ్యానర్‌ పై కె. నిరంజన్ రెడ్డి మరియు చైతన్య రెడ్డి నిర్మించారు. ఈ చిత్రానికి వివేక్ సాగర్ సంగీతం అందించారు.
