‘ఎన్టీఆర్ – హృతిక్ రోషన్’ కలయికలో రాబోతున్న మోస్ట్ వాంటెడ్ పాన్ ఇండియా మల్టీస్టారర్ ‘వార్ 2’. ప్రస్తుతం ఈ సినిమాలోని ఇంటర్వెల్ యాక్షన్ సీక్వెన్స్ ఘాట్ కోసం రామోజీ ఫిల్మ్ సిటీలో భారీ సెట్ వేస్తున్నారట. ఆగష్టులో ఈ సెట్ లో ఈ సీక్వెన్స్ ను ఎన్టీఆర్ – హృతిక్ రోషన్ ల పై ప్లాన్ చేస్తున్నట్లు తెలుస్తోంది. అన్నట్టు ఈ సీక్వెన్స్ లో వీరిద్దరితో పాటు మిగిలిన ప్రధాన తారాగణం కూడా పాల్గొంటుందట. ఇక ఈ మూవీ అప్డేట్స్ కోసం ఇద్దరి హీరోల ఫ్యాన్స్ ఆసక్తిగా ఎదురుచూస్తున్నారు.
కాగా, మోస్ట్ వాంటెడ్ పాన్ ఇండియా మల్టీస్టారర్స్ లో ‘వార్ 2’ ఫస్ట్ ప్లేస్ లో ఉంటుంది. పైగా ఎన్టీఆర్ – హృతిక్ రోషన్ కలయిక అనగానే ఆడియన్స్ లో కూడా భారీగా అంచనాలు పెరిగిపోయాయి. ఈ సినిమాలో ఎన్టీఆర్ పాత్ర పై ఫ్యాన్స్ ఆసక్తిగా ఎదురు చూస్తున్న సంగతి తెలిసిందే. అన్నట్టు ‘వార్ 2’ సినిమా కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉంటుందట. పైగా ‘వార్ 2’ అనేది యాక్షన్ ఫిల్మ్. మరి యాక్షన్ ఫిల్మ్ లో ఎన్టీఆర్ ఏ రేంజ్ నటనతో ఆకట్టుకుంటాడో చూడాలి. నిర్మాత ఆదిత్య చోప్రా ఈ చిత్రాన్ని నిర్మిస్తున్నారు.
