సుధా కొంగర దర్శకత్వంలో బాలీవుడ్ స్టార్ హీరో అక్షయ్ కుమార్ హీరోగా నటించిన ‘సర్ఫిరా’ హిందీలో విడుదలైంది. అయితే, ఈ సినిమా అక్కడ బాక్సాఫీస్ వద్ద ప్లాప్ టాక్ తెచ్చుకుంది. తెలుగులో ‘ఆకాశం నీ హద్దురా !’ పేరుతో ఈ సినిమా విడుదల అయి, మంచి విజయాన్ని సాధించింది. ఎయిర్ డెక్కన్ విమానయాన సంస్థ ఫౌండర్, పైలట్ జీఆర్ గోపినాధ్ జీవిత కథ ఆధారంగా ఈ చిత్రం తెరకెక్కింది. జాతీయ అవార్డులు అందుకుంది. కానీ, హిందీలో మాత్రం ప్లాప్ టాక్ తెచ్చుకుంది. దీంతో ఆడియెన్స్ ను ఆకర్షించేందుకు మల్టీప్లెక్స్‌లు ఉచితంగా టీ, సమోసాలు అందించాలని నిర్ణయించుకున్నాయి.
సాధారణంగా బాలీవుడ్ స్టార్ హీరో కాబట్టి అక్షయ్ కుమార్ సినిమా మొదటి రోజు బాగా కలెక్ట్ చేయాలి. కానీ ‘సర్ఫిరా’ సినిమా మాత్రం తొలిరోజు (జూలై 12న) కేవలం రూ.2.50 కోట్లు మాత్రమే కలెక్ట్ చేయడం షాక్ కి గురి చేసింది. రెండో రోజు రూ.4.50 కోట్లు రాబట్టింది. ఈ నేపథ్యంలోనే మల్టీప్లెక్స్ ప్రేక్షకులకు టీ, సమోసాలను ఆఫర్ చేస్తున్నాయి. ఈ విషయాన్ని ‘పీవీఆర్ ఐనాక్స్’ మల్టీప్లెక్స్ సోషల్ మీడియాలో పోస్ట్ చేసింది. మరి సమోసాలు, టీ కోసమైనా ప్రేక్షకులు వస్తారో లేదో చూడాలి.
