సూపర్ స్టార్ మహేష్ బాబు చివరిసారిగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన గుంటూరు కారం చిత్రంలో కనిపించారు. ఈ చిత్రం ప్రేక్షకులను, అభిమానులని అలరించింది. బాక్సాఫీస్ వద్ద మంచి వసూళ్లను రాబట్టడం జరిగింది. ఈ చిత్రం తర్వాత దర్శక దిగ్గజం ఎస్ ఎస్ రాజమౌళి దర్శకత్వంలో SSMB 29 వ చిత్రాన్ని చేయనున్నారు మహేష్. ఈ చిత్రం కి సంబందించిన మరిన్ని వివరాలు ఆగస్ట్ 9 వ తేదీన మహేష్ బాబు పుట్టిన రోజు సందర్భంగా వెల్లడి కానున్నాయి.
అయితే ఫ్యాన్స్ కి ఫుల్ ట్రీట్ అందించే విధంగా మురారి చిత్రం రీ రిలీజ్ కి రెడీ అయిపోయింది. క్రియేటివ్ దర్శకుడు కృష్ణవంశీ దర్శకత్వంలో తెరకెక్కిన మురారి చిత్రంలో సోనాలి బింద్రే, లక్ష్మీ, కైకాల సత్యనారాయణ, గొల్లపూడి మారుతీరావు లు కీలక పాత్రల్లో నటించారు. మెలోడీ బ్రహ్మ మణిశర్మ అధ్బుతమైన సంగీతం అందించారు. 2001 లో రిలీజైన ఈ చిత్రం ఇప్పుడు రీ రిలీజ్ కి రెడీ అవ్వడం పట్ల ఫ్యాన్స్ సంతోషం వ్యక్తం చేస్తున్నారు. ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.
