హైద‌రాబాద్ లో స్టార్ హీరోల మ‌ధ్య ‘వార్’

బాలీవుడ్ లో తెర‌కెక్కిన ‘వార్’ మూవీ య‌శ్ రాజ్ ఫిల్మ్స్ స్పై యూనివ‌ర్స్ లో భాగంగా 2019లో రిలీజ్ అయ్యి బాక్సాఫీస్ వ‌ద్ద బ్లాక్ బ‌స్ట‌ర్ హిట్ గా నిలిచింది. ఇక ఇప్పుడు ఈ సినిమాకు సీక్వెల్ గా ‘వార్-2’ చిత్రాన్ని తెర‌కెక్కిస్తున్నారు మేక‌ర్స్. ద‌ర్శ‌కుడు అయాన్ ముఖ‌ర్జీ ఈ సినిమాను డైరెక్ట్ చేస్తుండ‌గా స్టార్ హీరోలు హృతిక్ రోష‌న్, జూ.ఎన్టీఆర్ ఈ మూవీలో న‌టిస్తున్నారు.

దీంతో ఈ సినిమాపై అంచ‌నాలు నెక్ట్స్ లెవెల్ లో క్రియేట్ అయ్యాయి. ఇక ఇప్ప‌టికే శ‌ర‌వేగంగా షూటింగ్ జ‌రుపుకుంటున్న ఈ సినిమా నెక్ట్స్ షెడ్యూల్ హైద‌రాబాద్ లో జ‌ర‌గ‌నుంది. దీని కోసం భారీ బ‌డ్జెట్ తో ఓ సెట్ కూడా వేస్తున్నార‌ట‌. ఆగ‌స్టులో ప్రారంభం కానున్న‌ ఈ షెడ్యూల్ లో హృతిక్ రోష‌న్, ఎన్టీఆర్ ల మ‌ధ్య ఓ యాక్ష‌న్ సీక్వెన్స్ ను చిత్రీకరించేందుకు మేక‌ర్స్ ప్లాన్ చేస్తున్నార‌ట‌.

ఈ ఫైట్ సీక్వెన్స్ ఇంట‌ర్వెల్ లో రానున్న‌ట్లు తెలుస్తోంది. ఇది సినిమాకే హైలైట్ గా ఉండ‌నుందని చిత్ర వ‌ర్గాలు చెబుతున్నాయి. ఇక ఈ సినిమాను అత్యంత భారీ బ‌డ్జెట్ తో తెర‌కెక్కిస్తుండ‌గా, ఈ సినిమాను 2025 ఆగ‌స్టు 14న రిలీజ్ చేసేందుకు మేక‌ర్స్ సిద్ధ‌మ‌వుతున్నారు.