“సర్దార్ 2” లోకి “గేమ్ ఛేంజర్” విలన్ ఎంట్రీ

తెలుగులో మంచి ఆదరణ ఉన్నటువంటి తమిళ హీరోస్ లో టాలెంటెడ్ నటుడు కార్తీ కూడా ఒకడు. మరి కార్తీ హీరోగా నటించిన రీసెంట్ చిత్రం “సర్దార్” అటు తమిళ్ తో పాటుగా తెలుగులో కూడా సాలిడ్ హిట్ అవ్వగా దీని సీక్వెల్ కోసం ఇప్పుడు అంతా ఆసక్తిగా ఎదురు చూస్తున్నారు. అయితే ఈ సీక్వెల్ షూటింగ్ ని కూడా దర్శకుడు పి ఎస్ మిత్రన్ రీసెంట్ గానే మొదలు పెట్టగా ఇప్పుడు మేకర్స్ ఇంట్రెస్టింగ్ అప్డేట్ ని అయితే అందించారు.

ఈ చిత్రంలో ప్రముఖ దర్శకుడు అలాగే వెర్సటైల్ నటుడు ఎస్ జే సూర్య ఎంటర్ అయ్యినట్టుగా మేకర్స్ అఫీషియల్ గా ప్రకటించారు. మరి నేడు ఎస్ జే సూర్య బర్త్ డే కానుకగా ఈ ఇంట్రెస్టింగ్ అప్డేట్ ని అందించారు. మరి ఈ సాలిడ్ సీక్వెల్ లో ఎస్ జే సూర్య ఎలాంటి రోల్ లో కనిపిస్తాడో చూడాలి. మరి ఎస్ జే సూర్య రీసెంట్ గానే “భారతీయుడు 2” (Bharateeyudu 2) లో కనిపించిన సంగతి తెలిసిందే. అలాగే ఈ చిత్రంతో పాటుగా గ్లోబల్ స్టార్ రామ్ చరణ్ (Ram Charan), శంకర్ కాంబినేషన్ లో చేస్తున్న క్రేజీ ప్రాజెక్ట్ “గేమ్ ఛేంజర్” (Game Changer) లో కూడా తాను విలన్ గా చేస్తున్నారు.