ట్యాలెంటెడ్ యాక్ట‌ర్ ప్రియ‌ద‌ర్శి హీరోగా న‌టిస్తున్న తాజా చిత్రం ‘డార్లింగ్’ జూలై 19న రిలీజ్ కానుంది. ఈ సినిమా ప్రీరిలీజ్ ఈవెంట్ ను తాజాగా నిర్వ‌హించ‌గా, నేచుర‌ల్ స్టార్ నాని ఈ ఈవెంట్ కు గెస్ట్ గా వ‌చ్చిన సంగ‌తి తెలిసిందే. ఇక ఈ ఈవెంట్ లో ప్రియ‌ద‌ర్శితో నాని ఓ సినిమా చేయనున్న‌ట్లు అనౌన్స్ చేశాడు.
దీంతో అభిమానులు సంతోషం వ్య‌క్తం చేశారు. నాని ఈ సినిమాను ప్రొడ్యూస్ చేయ‌నుండ‌గా జ‌గదీష్ అనే డైరెక్ట‌ర్ ఈ సినిమాను తెర‌కెక్కించ‌నున్నాడు. ఇక ఈ సినిమాను కోర్టు డ్రామాగా తెర‌కెక్కించ‌బోతున్న‌ట్లు వార్త‌లు వినిపిస్తున్నాయి. అయితే, ఈ సినిమాకు టైటిల్ ఫిక్స్ చేశార‌ని.. ”కోర్ట్ – స్టేట్ వ‌ర్సెస్ నోబ‌డి” అనే టైటిల్ తో ఈ సినిమా రానుంద‌ని సినీ వ‌ర్గాల్లో టాక్ వినిపిస్తోంది.
ఈ వార్త ప్ర‌స్తుతం నెట్టింట ట్రెండ్ అవుతుండ‌టంతో, అప్పుడే ఈ సినిమాపై మంచి అంచ‌నాలు క్రియేట్ అవుతున్నాయి. ఈ చిత్రానికి సంబంధించిన షూటింగ్ ను త్వ‌ర‌లోనే ప్రారంభించేందుకు మేక‌ర్స్ ప్లాన్ చేస్తున్నారు. ఇక ప్రియ‌ద‌ర్శి న‌టిస్తున్న ‘డార్లింగ్’ సినిమాలో అందాల భామ న‌భా న‌టేష్ హీరోయిన్ గా న‌టిస్తోంది.
