మ్యాన్ ఆఫ్ మాసెస్ ఎన్టీఆర్ హీరోగా జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న భారీ పాన్ ఇండియా చిత్రం “దేవర” కోసం అందరికీ తెలిసిందే. మరి ఎన్టీఆర్ అభిమానుల్లో మాస్ ఆడియెన్స్ లో భారీ హైప్ ఉన్న ఈ సినిమా నుంచి ఆల్రెడీ వచ్చిన ఫియర్ సాంగ్ సెన్సేషనల్ హిట్ అయ్యింది. ఇక అంతా రెండో సాంగ్ కోసం ఎదురు చూస్తున్నారు. ఇక దీనిపై లేటెస్ట్ బజ్ వినిపిస్తోంది.
దీని ప్రకారం ఈ సినిమా రెండో సాంగ్ పై క్లారిటీ ఈ వీకెండ్ కి వస్తుంది అని తెలుస్తోంది. తారక్ జాన్వీ లపై బ్యూటిఫుల్ పోస్టర్ తో మెలోడీ సాంగ్ ని అనౌన్స్ చేసే ఛాన్స్ ఉన్నట్టుగా టాక్. మరి దీనిపై మరింత సమాచారం రావాల్సి ఉంది. ఇక ఈ భారీ చిత్రానికి అనిరుద్ సంగీతం అందిస్తున్నాడు అలాగే ఎన్టీఆర్ ఆర్ట్స్, యువసుధ ఆర్ట్స్ నిర్మాణం వహిస్తున్న సంగతి తెలిసిందే. ఈ సెప్టెంబర్ 27న సినిమా పాన్ ఇండియా లెవెల్లో రిలీజ్ కానుంది.
