కోలీవుడ్ టాలెంటెడ్ హీరో కార్తీ హీరోగా తన కెరీర్ లో అందుకున్న భారీ హిట్స్ లో ఒకటైన చిత్రం “సర్దార్” కూడా ఒకటి. దర్శకుడు పి ఎస్ మిత్రన్ కాంబినేషన్ లో చేసిన ఈ సినిమా భారీ హిట్ అయ్యింది. తమిళ్ సహా తెలుగులో కూడా మంచి వసూళ్లు అందుకున్న ఈ చిత్రంకి అవైటెడ్ సీక్వెల్ ని మేకర్స్ జస్ట్ కొన్ని రోజులు కితమే షూటింగ్ స్టార్ట్ చేసారు. కానీ ఈ మధ్యలోనే ఒక విషాద వార్త ఈ సినిమా నుంచి బయటకి వచ్చింది.
ఈ సినిమాకి స్టంట్ మ్యాన్ గా వర్క్ చేస్తున్న ఇళుమలై అనే వ్యక్తి దురదృష్టవశాత్తు మరణించారట. సినిమాలో ఓ కీలక యాక్షన్ సీన్ ని చేస్తుండగా ఈ సీన్ లో 20 అడుగుల ఎత్తు నుంచి ఇళుమలై కిందకి పడి తన ప్రాణాలు విడిచారని తెలుస్తుంది. దీనితో ఈ సినిమా యూనిట్ లో విషాదం నెలకొంది. అలాగే ప్రస్తుతం విరుగంబాక్కం పోలీసులు అయితే కేసు ఫైల్ చేసి విచారణ చేస్తున్నారట. మరి సినిమా కోసం పని చేస్తూ ప్రాణాలు విడిచిన వారి ఆత్మకి శాంతి చేకూరాలని మా 123తెలుగు టీం ఆకాంక్షిస్తుంది. ఓం శాంతి.
