పవర్ స్టార్ పవన్ కళ్యాణ్ ప్రస్తుతం రాజకీయాల్లో బిజీగా ఉన్నారు. ఆంధ్ర ప్రదేశ్ రాష్ట్ర ఉప ముఖ్యమంత్రిగా బాధ్యతలు నిర్వహిస్తున్నారు. అయితే పవన్ కళ్యాణ్ పూర్తి చేయాల్సిన సినిమాలు ఇంకా ఉన్నాయి. షూటింగ్ బ్యాలెన్స్ కారణం గా ఎలాంటి అప్డేట్స్ కూడా లేవు. అయితే పవన్ కళ్యాణ్ పుట్టిన రోజు అయిన సెప్టెంబర్ 2 వ తేదీన ఫ్యాన్స్ కి మంచి ట్రీట్ ఉండనుంది.
పవన్ కళ్యాణ్ కమ్ బ్యాక్ మూవీ అయిన గబ్బర్ సింగ్ చిత్రం ఇండస్ట్రీ లో బ్లాక్ బస్టర్ గా నిలిచింది. హరీష్ శంకర్ దర్శకత్వంలో తెరకెక్కిన ఈ చిత్రం పవన్ కళ్యాణ్ బర్త్ డే సందర్భంగా రీ రిలీజ్ కానుంది. శృతి హాసన్ హీరోయిన్ గా నటించిన ఈ చిత్రంలో అభిమన్యు సింగ్, రావు రమేష్, సుహాసిని, బ్రహ్మానందం, ప్రభాస్ శ్రీను లు కీలక పాత్రల్లో నటించారు. రాక్ స్టార్ దేవి శ్రీ ప్రసాద్ సంగీతం అందించిన ఈ చిత్రం రీ రిలీజ్ కి ఎలాంటి రెస్పాన్స్ ను సొంతం చేసుకుంటుందో చూడాలి.
