“తండేల్” లోని సత్య రోల్ మరో మరపురాని పాత్ర అవుతుంది

టాలీవుడ్ హీరో, అక్కినేని నాగ చైతన్య ప్రధాన పాత్రలో, దర్శకుడు చందూ మొండేటి దర్శకత్వంలో తెరకెక్కుతున్న చిత్రం తండేల్. ఇది అనుకోకుండా పాకిస్తాన్ జలాల్లోకి ప్రవేశించి, భారతదేశానికి తిరిగి రావడానికి ముందు దాదాపు రెండేళ్ల జైలు జీవితం గడిపిన రాజు యొక్క నిజ జీవిత కథ ఆధారంగా తెరకెక్కుతోంది. ఈ చిత్రంలో టాలెంటెడ్ నటి సాయి పల్లవి హీరోయిన్ గా నటిస్తుంది. అయితే సాయి పల్లవి రెండు అవార్డులను గెలుచుకున్న సంగతి అందరికీ తెలిసిందే. ఈ సందర్భం గా తండేల్ చిత్ర యూనిట్ ఈ హ్యాపీ మూమెంట్ ను సెలబ్రేట్ చేయడం జరిగింది.

అందుకు సంబంధించిన ఫోటోలను సోషల్ మీడియాలో షేర్ చేయడం జరిగింది. ఈ చిత్రంలోని సత్య పాత్ర కూడ మరో మరపురాని పాత్ర అవుతుంది అని మేకర్స్ చెప్పుకొచ్చారు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ చిత్రంను GA2 పిక్చర్స్ పతాకంపై బన్నీ వాసు నిర్మిస్తున్నారు. ప్రముఖ నిర్మాత అల్లు అరవింద్ సమర్పకులుగా వ్యవహరిస్తున్నారు. డిసెంబర్ 20, 2024న విడుదల థియేటర్లలోకి రానున్న ఈ చిత్రంపై ప్రేక్షకుల్లో ఆసక్తి నెలకొంది.