తమిళ స్టార్ డైరెక్టర్ శంకర్ ప్రస్తుతం టాక్ ఆఫ్ ది ఇండస్ట్రీగా మారాడు. ఒకప్పుడు శంకర్ సినిమా వస్తుందంటే, యావత్ దేశం ఆయన సినిమా వైపు చూస్తూ ఉండేది. ఆయన సినిమాలు ఇండియన్ బాక్సాఫీస్ వద్ద ప్రభంజనం సృష్టించాయి. ఇక శంకర్ రీసెంట్‌గా తెరకెక్కించిన ప్రెస్టీజియస్ సీక్వెల్ మూవీ ‘ఇండియన్-2’ ఇటీవల రిలీజ్ అయ్యింది. అయితే, ఈ సినిమాకు ప్రేక్షకుల నుంచి నెగిటివ్ రెస్పాన్స్ రావడంతో ఈ మూవీ డిజాస్టర్ దిశగా వెళుతోంది. దీంతో శంకర్ డైరెక్షన్‌పై పలు విమర్శలు తలెత్తుతున్నాయి.
ఇక టాలీవుడ్ ప్రేక్షకుల్లో ఇప్పుడు మరో ఆందోళన నెలకొంది. శంకర్ డైరెక్షన్‌లో త్వరలో గ్లోబల్ స్టార్ రామ్ చరణ్ నటిస్తున్న ‘గేమ్ ఛేంజర్’ కూడా రిలీజ్‌కు రెడీ అయ్యింది. ఈ సినిమాతో శంకర్ ఎలాంటి ఫలితాన్ని రాబడతారా అని అభిమానుల్లో ఉత్కంఠ నెలకొంది. అయితే, గత 14 ఏళ్లుగా శంకర్ కేవలం సీక్వెల్స్, రీమేక్ చిత్రాలతోనే(ఐ మినహా) ప్రేక్షకుల ముందుకు వచ్చారు. ఆయన తెరకెక్కించిన ఈ సినిమాలేవీ కూడా శంకర్ మార్క్ గ్రాండ్ విక్టరీ అందుకోలేకపోయాయి. ఈ ఎఫెక్ట్ ‘గేమ్ ఛేంజర్’ పై కూడా పడుతుందా అని అభిమానులు ఆందోళన నెలకొంది.
అయితే, శంకర్ తెరకెక్కించిన ఒరిజినల్ చిత్రాలు బాక్సాఫీస్ దగ్గర సెన్సేషన్ క్రియేట్ చేశాయి. దీంతో, ఒరిజినల్ కథతో రాబోతున్న ‘గేమ్ ఛేంజర్’ కూడా బాక్సాఫీస్ వద్ద ఖచ్చితంగా సెన్సేషన్ క్రియేట్ చేయడం ఖాయమని అభిమానులు ధీమా వ్యక్తం చేస్తున్నారు. ఇక గేమ్ ఛేంజర్ మూవీలో రామ్ చరణ్ ఉండటంతో ఈ సినిమాకు ఆయన క్రేజ్ సరిపోతుందని ఫ్యాన్స్ అంటున్నారు. ఈ సినిమాను పొలిటికల్ థ్రిల్లర్‌గా చిత్ర యూనిట్ రూపొందిస్తుండగా, అందాల భామ కియారా అద్వానీ హీరోయిన్‌గా నటిస్తోంది. ఈ సినిమాకు థమన్ సంగీతం అందిస్తున్నాడు. మరి ‘గేమ్ ఛేంజర్’ చిత్రంతో శంకర్ ఎలాంటి కమ్‌బ్యాక్ ఇస్తాడనేది చూడాలి.
