గ్లోబల్ స్టార్ రామ్ చరణ్ హీరోగా మావెరిక్ దర్శకుడు శంకర్ తెరకెక్కిస్తున్న అవైటెడ్ చిత్రమే “గేమ్ ఛేంజర్”. మరి ఈ చిత్రాన్ని ఎప్పుడు నుంచో తెరకెక్కిస్తుండగా ఇప్పటికి సినిమా చివరి దశకు చేరుకుంటుంది. ఇక రామ్ చరణ్ సన్నివేశాలు ఎప్పుడో పూర్తి చేసేయగా ఇంకా మిగతా సీన్స్ రెండు వారాలు అలా బ్యాలన్స్ ఉన్నాయి.
అయితే అసలు ఈ సినిమా విషయంలో శంకర్ ఏ రేంజ్ డెడికేషన్ చూపించారో మాటల రచయిత సాయి మాధవ్ బుర్రా చెప్పిన కామెంట్స్ వైరల్ గా మారాయి. తాను సినిమా సెట్స్ లోకి వెళ్ళింది చాలా తక్కువే కానీ డైలాగ్స్ విషయంలో సినిమా కోసం శంకర్ గారితో మాట్లాడినప్పుడు ఈ సినిమా డెఫినెట్ గా చరణ్ కెరీర్ లో నిలిచిపోయే మరో సినిమాల మిగులుతుంది అని అన్నారు.
అలాగే ఈ సినిమా పూర్తి ప్యాకేజీ శంకర్ మార్క్ లో అన్ని ఎలిమెంట్స్ ఉంటాయని వారు తెలిపారు. ఇక అంతే కాకుండా శంకర్ గారికి తెలుగు వారు అంటే ఎంతో గౌరవం అని అందుకే సినిమాలో ఏ చిన్న మిస్టేక్ లేకుండా డైలాగ్స్ ని అద్భుతంగా రాబట్టారని తెలిపారు. మొత్తానికి అయితే గేమ్ ఛేంజర్ విషయంలో శంకర్ చాలానే డెడికేషన్ ని చూపించారని చెప్పాలి. మరి ఈ సినిమా అంచనాలు అందుకుంటుందో లేదో చూడాలి.
