పాన్ ఇండియా రెబల్ స్టార్ ప్రభాస్ హీరోగా దిశా పటాని, దీపికా పడుకోన్ లు హీరోయిన్స్ గా దర్శకుడు నాగ్ అశ్విన్ తెరకెక్కించిన భారీ పాన్ ఇండియా చిత్రం “కల్కి 2898 ఎడి” కోసం అందరికీ తెలిసిందే. మరి ఈ భారీ సినిమా రిలీజ్ కోసం అభిమానులు ఆసక్తిగా ఎదురు చూస్తే వారి అంచనాలు రీచ్ అయ్యి సెన్సేషనల్ హిట్ గా ఈ చిత్రం నిలిచింది.
అయితే ఈ సినిమా సౌత్ లో భారీ వసూళ్లు నమోదు చేయగా లేటెస్ట్ గా కన్నడలో అయితే ఆల్ టైం రికార్డు సెట్ చేసినట్టుగా తెలుస్తుంది. కన్నడలో డబ్ అయ్యి వెళ్లిన చిత్రాల్లో అన్ని సినిమాలు క్రాస్ చేసి కల్కి ఇపుడు ఆల్ టైం రికార్డు సెట్ చేసిందట. అక్కడ డబ్బింగ్ సినిమాల్లో ప్రభాస్ నటించిన గత చిత్రమే “సలార్” 6.2 కోట్లకి పైగా షేర్ ని అందుకుంటే ఇప్పుడు దీనిని కల్కి క్రాస్ చేసేసినట్టుగా తెలుస్తుంది.
దీనితో డబ్బింగ్ చిత్రాల్లో కల్కి అక్కడ ఆల్ టైం రికార్డుతో హైయెస్ట్ గ్రాసర్ గా నిలిచింది అని చెప్పాలి. ఇక ఈ భారీ సినిమాలో కమల్ హాసన్, అమితాబ్ బచ్చన్ లు కూడా నటించగా సంతోష్ నారాయణన్ సంగీతం అందించాడు అలాగే వైజయంతి మూవీస్ వారు నిర్మాణం వహించిన సంగతి తెలిసిందే.
