పాన్ ఇండియా సినిమా దగ్గర లేటెస్ట్ గా దుమ్ము లేపిన మన టాలీవుడ్ సినిమా “కల్కి 2898 ఎడి” కోసం ప్రత్యేకంగా చెప్పాల్సిన పని లేదు. రెబల్ స్టార్ ప్రభాస్ (Prabhas), నాగ్ అశ్విన్ లు కలయికలో వచ్చిన ఈ చిత్రం డే 1 నుంచే భారీ బుకింగ్స్ అండ్ వసూళ్లతో సునామి సృష్టించిన ఈ చిత్రం అనకాపల్లి నుంచి అమెరికా వరకు ఏ రికార్డు వదిలినట్టుగా కనిపించలేదు. అలా తాజాగా కల్కి ఇండియా లోనే బిగ్గెస్ట్ ఆల్ టైం రికార్డు అందుకున్నట్టుగా ఇప్పుడు కన్ఫర్మ్ అయ్యింది.
ఇండియా వైడ్ గా హైయెస్ట్ బుకింగ్స్ అయ్యిన సినిమాగా ఇప్పుడు కల్కి 2898 ఎడి తుక్కు రేగ్గేట్టింది. ప్రముఖ సినిమా టికెట్ బుకింగ్స్ యాప్ బుక్ మై షోలో కల్కి చిత్రం ఏకంగా 12.15 మిలియన్ టికెట్స్ బుక్ చేసుకుని ఆల్ టైం రికార్డు సెట్ చేసింది. మరి ఇప్పటి వరకు బాలీవుడ్ బాద్షా షారుక్ ఖాన్ (Shah Rukh Khan) నటించిన చిత్రం “జవాన్” (Jawan) ఇండియా వైడ్ గా హైయెస్ట్ బుకింగ్స్ 12.01 మిలియన్ టికెట్స్ బుకింగ్స్ లైఫ్ టైం లో ఉంటే దీనికి కల్కి కేవలం 20 రోజుల్లోనే బ్రేక్ చేసి సెన్సేషనల్ రికార్డు సెట్ చేసింది.
దీనితో షారుఖ్ ఖాన్ కంట్రోల్ లో ఉన్న ఈ ఆల్ టైం రికార్డుని ఇపుడు ప్రభాస్ తన కంట్రోల్ లో పెట్టుకున్నాడు. అయితే ప్రస్తుతానికి కల్కి బుకింగ్స్ ఇంకా సాలిడ్ గానే కొనసాగుతున్నాయి. దీనితో మరింత స్థాయి బుకింగ్స్ నమోదు అవ్వడం గ్యారెంటీ అని చెప్పవచ్చు. ఇక ఈ భారీ చిత్రంలో కమల్ హాసన్, అమితాబ్ బచ్చన్ లు కీలక పాత్రల్లో నటించగా దీపికా పడుకోణ్, దిశా పటానిలు ఫీమేల్ లీడ్ లో నటించారు. అలాగే వైజయంతి మూవీస్ నిర్మాణం వహించారు.
