మెగా పవర్ స్టార్ రామ్ చరణ్ తదుపరి స్టార్ డైరెక్టర్ శంకర్ దర్శకత్వంలో తెరకెక్కుతున్న గేమ్ చేంజర్ చిత్రంలో కనిపించనున్నారు. మ్యూజికల్ సెన్సేషన్ థమన్ సంగీతం అందిస్తున్న ఈ చిత్రంలో కియార అద్వానీ హీరోయిన్ గా నటిస్తుంది. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. అయితే రామ్ చరణ్ పై వినిపిస్తున్న లేటెస్ట్ బజ్ ఏమిటంటే, లండన్ లోని మేడం టుస్సాడ్స్ లో మైనపు విగ్రహాన్ని ఆవిష్కరించనున్నారు.
ఈ న్యూస్ సోషల్ మీడియాలో వైరల్ గా మారుతోంది. ఇప్పటి వరకు తెలుగు స్టార్స్ అయిన ప్రభాస్, మహేష్ బాబు, అల్లు అర్జున్ ల మైనపు విగ్రహాలను మనం చూశాం. ఇప్పుడు రామ్ చరణ్ మైనపు విగ్రహాన్ని లండన్ లోని మేడం టుస్సాడ్స్ లో మనం చూసే అవకాశాలు కనిపిస్తున్నాయి. రామ్ చరణ్ ఆర్ఆర్ఆర్ మూవీతో వరల్డ్ వైడ్ సూపర్ క్రేజ్ ను సొంతం చేసుకున్నారు. శంకర్ దర్శకత్వంలో తెరకెక్కుతున్న గేమ్ చేంజర్ తో పాటుగా, బుచ్చిబాబు సానా దర్శకత్వంలో ఒక చిత్రం, సుకుమార్ దర్శకత్వంలో మరొక చిత్రానికి గ్రీన్ సిగ్నల్ ఇచ్చారు.
