పాన్ ఇండియా స్టార్ ప్ర‌భాస్ న‌టించిన లేటెస్ట్ సెన్సేష‌న్ ‘క‌ల్కి 2898 AD’ ఇటీవ‌ల రిలీజ్ అయ్యి బాక్సాఫీస్ వ‌ద్ద రికార్డులు క్రియేట్ చేసింది. ఈ సినిమా ప్ర‌పంచ‌వ్యాప్తంగా ప్రేక్ష‌కుల‌ను ఆక‌ట్టుకోవ‌డంలో స‌క్సెస్ అయ్యింది. నాగ్ అశ్విన్ తెర‌కెక్కించిన ఈ సైఫై మూవీ బాక్సాఫీస్ వ‌ద్ద భారీ వ‌సూళ్ల‌తో స‌రికొత్త ట్రెండ్ క్రియేట్ చేసింది. ఇక ఇప్పుడు అంద‌రి చూపు ప్ర‌భాస్ నెక్ట్స్ చిత్రాల‌పై ప‌డింది.
ఇప్ప‌టికే మారుతి ద‌ర్శ‌కత్వంలో ‘ది రాజాసాబ్’ అనే సినిమాను చేస్తున్న ప్ర‌భాస్, త‌న నెక్ట్స్ ప్రాజెక్టుల‌ను సందీప్ రెడ్డి వంగ, హను రాఘ‌వ‌పూడిల‌తో చేయ‌నున్నాడు. ఇందులో హను రాఘ‌వ‌పూడితో చేయ‌బోయే ప్రాజెక్ట్ ఎలా ఉండ‌బోతుందా అనే ఆస‌క్తి అంద‌రిలో నెల‌కొంది. కాగా 1940ల నేప‌థ్యంలో ఓ పీరియాడిక్ డ్రామాగా ఈ సినిమాను తెర‌కెక్కించేందుకు ద‌ర్శ‌కుడు హను రాఘ‌వ‌పూడి సిద్ధ‌మ‌వుతున్నాడు. అయితే, ఈ సినిమాలో హీరోయిన్ గా ఎవ‌రు న‌టిస్తార‌నే అంశం ప్ర‌స్తుతం హాట్ టాపిక్ గా మారింది.
సినీ వ‌ర్గాల్లో ఈ విష‌యంపై ఓ వార్త తెగ హ‌ల్ చ‌ల్ చేస్తోంది. తొలుత ఈ సినిమాలో మృణాల్ ఠాకూర్ ను హీరోయిన్ గా తీసుకుంటార‌ని వార్త‌లు రాగా, ఇప్పుడు ఈ సినిమా కోసం ఓ కొత్త హీరోయిన్ ను ద‌ర్శ‌కుడు ప‌ట్టుకొస్తున్నాడ‌ట. ‘సీతా రామం’తో మృణాల్ ను టాలీవుడ్ కు ప‌రిచ‌యం చేసిన ఈ డైరెక్ట‌ర్, ‘ఫౌజీ’ కోసం కూడా అదే స్ట్రాటెజీ వాడ‌నున్నాడ‌ట. ఏదేమైనా ప్ర‌స్తుతం ఈ వార్త నెట్టింట వైర‌ల్ గా మారుతోంది.
