అక్కినేని యంగ్ హీరో నాగ చైత‌న్య న‌టిస్తున్న తాజా చిత్రం ‘తండేల్’ ప్రస్తుతం శ‌ర‌వేగంగా షూటింగ్ జ‌రుపుకుంటోంది. ఈ సినిమాను ద‌ర్శ‌కుడు చందు మొండేటి తెర‌కెక్కిస్తుండ‌టంతో అభిమానుల్లో అంచ‌నాలు భారీగా ఏర్ప‌డ్డాయి. ఇక ఈ సినిమాలో అందాల భామ సాయి ప‌ల్ల‌వి హీరోయిన్ గా న‌టిస్తుండ‌టంతో వీరి జంట‌ను మ‌రోసారి వెండితెర‌పై చూసేందుకు ఫ్యాన్స్ ఆస‌క్తిగా ఉన్నారు.
అయితే, తండేల్ సినిమా పూర్తి కాక‌ముందే చైతూ త‌న నెక్ట్స్ మూవీని లైన్ లో పెట్ట‌నున్న‌ట్లు తెలుస్తోంది. ‘విరూపాక్ష’ సినిమాతో బాక్సాఫీస్ వ‌ద్ద బ్లాక్ బ‌స్ట‌ర్ హిట్ అందుకున్న ద‌ర్శ‌కుడు కార్తీక్ దండుతో చైతూ ఓ సినిమా చేసేందుకు సిద్ధ‌మ‌వుతున్నాడ‌ట. ఇక ఈ సినిమాను పూర్తి రొమాంటిక్ ఎంట‌ర్టైన‌ర్ గా తీర్చిదిద్ద‌నున్న‌ట్లు తెలుస్తోంది. ఈ సినిమాను ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర ప్రొడ్యూస్ చేయ‌నున్నట్లు సమాచారం.
ఈ సినిమాలో చైతూ స‌ర‌స‌న పూజా హెగ్డే హీరోయిన్ గా న‌టించ‌బోతున్న‌ట్లు చిత్ర వ‌ర్గాలు చెబుతున్నాయి. గ‌తంలో చైతూ, పూజా ‘ఒక లైలా కోసం’ సినిమాలో న‌టించ‌డంతో మ‌రోసారి వీరి కాంబినేష‌న్ ప్రేక్ష‌కుల‌ను ఆక‌ట్టుకుంటుంద‌ని చిత్ర యూనిట్ భావిస్తోంద‌ట.త్వ‌ర‌లోనే ఈ సినిమాను పట్టాలెక్కించేందుకు మేక‌ర్స్ రెడీ అవుతున్న‌ట్లుగా తెలుస్తోంది.
