ఐకాన్ స్టార్ అల్లు అర్జున్ హీరోగా, స్టార్ డైరెక్టర్ సుకుమార్ దర్శకత్వంలో తెరకెక్కుతున్న పుష్ప 2 ది రూల్ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. డిసెంబర్ 6, 2024 న వరల్డ్ వైడ్ గా థియేటర్లలో రిలీజ్ చేసేందుకు మేకర్స్ సన్నాహాలు చేస్తున్నారు. ఇప్పటికే ఈ చిత్రం నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి సూపర్ రెస్పాన్స్ వచ్చింది. అయితే బన్నీ గడ్డం తీసేసి, షూటింగ్ కి బ్రేక్ ఇచ్చాడు అంటూ సోషల్ మీడియాలో గత కొద్ది రోజులుగా వార్తలు వస్తున్నాయి.
దీనిపై ప్రొడ్యూసర్ బన్నీ వాస్ మీడియా ఇంటరాక్షన్ లో రెస్పాండ్ అయ్యారు. అలాంటిది ఏమీ లేదు అని, ఆగస్ట్ లో షూటింగ్ ప్రారంభం అవుతుంది అని అన్నారు. అంతేకాక బన్నీ షూటింగ్ పార్ట్ 15-17 రోజుల పాటు ఉంటుంది అని అన్నారు. ఫహద్ మరియు బన్నీ షూటింగ్ ల పార్ట్ మిగిలి ఉంది అని, క్లైమాక్స్, సాంగ్ ను చిత్రికరించాల్సి ఉంది అంటూ చెప్పుకొచ్చారు. దీంతో ఇప్పటి వరకు వచ్చిన రూమర్స్ ను కొట్టి పారేశారు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ చిత్రంలో రష్మిక మందన్న హీరోయిన్ గా నటిస్తుంది.
