మాస్ కా దాస్ విశ్వక్ సేన్ నటిస్తున్న తాజా చిత్రం ‘మెకానిక్ రాకీ’ శరవేగంగా షూటింగ్ జరుపుకుంటోంది. ఈ సినిమాను రవితేజ ముళ్ళపూడి డైరెక్ట్ చేస్తుండగా, పూర్తి మాస్ యాక్షన్ ఎంటర్‌టైనర్‌గా ఈ సినిమాను తెరకెక్కిస్తున్నారు. ఇక ఈ సినిమాలో విశ్వక్ సేన్ తన నటనతో మరోసారి అభిమానులను అలరించడం ఖాయమని మేకర్స్ ధీమా వ్యక్తం చేస్తున్నారు.
కాగా, ఇటీవల ఈ సినిమా రిలీజ్ డేట్‌ను లాక్ చేశారు మేకర్స్. దీపావళి కానుకగా అక్టోబర్ 31న ఈ సినిమాను రిలీజ్ చేస్తున్నట్లు వారు వెల్లడించారు. దీంతో అభిమానులు ఈ సినిమా కోసం ఆసక్తిగా చూస్తున్నారు. కాగా, ఈ సినిమాకు పోటీగా ఎలాంటి సినిమాలు వస్తాయా అని వారు ఎదురుచూస్తున్నారు. అయితే, టాలీవుడ్‌లో ప్రస్తుతం దీపావళి బరిలో రిలీజ్ అయ్యే సినిమాలు ఏవీ కూడా లేవనే చెప్పాలి. ఇప్పటికే పలు సినిమాలు తమ రిలీజ్ డేట్స్‌ను అనౌన్స్ చేశాయి. ఇక మరికొన్ని సినిమాలు చిత్రీకరణలో ఉండటంతో, వాటి రిలీజ్ డేట్స్‌ను ఇంకా అనౌన్స్ చేయలేదు.
అయితే, దీపావళి బరిలో తమిళ హీరో శివకార్తికేయన్ నటిస్తున్న ‘అమరన్’ సినిమా అక్టోబర్ 31న రిలీజ్ అవుతున్నా, దాని ప్రభావం టాలీవుడ్‌లో తక్కువనే చెప్పాలి. దీంతో ఇప్పటికైతే టాలీవుడ్ నుండి దీపావళి రేస్‌లో విశ్వక్ సేన్ మెకానిక్ రాకీ ఒక్కడే బరిలో దిగాడని చెప్పాలి.
