బాలీవుడ్ లో తెర‌కెక్కుతున్న ప్రెస్టీజియ‌స్ చిత్రాల్లో ‘వార్-2’ కూడా ఒక‌టి. య‌శ్ రాజ్ ఫిలింస్ స్పై యూనివ‌ర్స్ నుండి రాబోతున్న ఈ సినిమాలో స్టార్ హీరో హృతిక్ రోష‌న్ తో పాటు టాలీవుడ్ స్టార్ హీరో జూ.ఎన్టీఆర్ కూడా న‌టిస్తున్నాడు. దీంతో ఈ సినిమాపై నార్త్ తో పాటు సౌత్ లోనూ సాలిడ్ అంచ‌నాలు ఏర్ప‌డ్డాయి.
ఇక ఇప్ప‌టికే షూటింగ్ కూడా మొద‌లుపెట్టిన చిత్ర యూనిట్, ప్ర‌స్తుతం ఓ భారీ యాక్ష‌న్ సీక్వెన్స్ ను తెర‌కెక్కించేందుకు సిద్ధ‌మ‌వుతున్నారు. ఈ షెడ్యూల్ ను హైద‌రాబాద్ లో షూట్ చేయ‌నున్నారు. దాదాపు నెల‌రోజుల పాటు ఈ షెడ్యూల్ షూటింగ్ జరుపుకుంటుంద‌ని తెలుస్తోంది.
కాగా, ఈ షూటింగ్ లో ఎన్టీఆర్ ఆగ‌స్టు 18 నుంచి జాయిన్ అవుతార‌ని వార్త‌లు వినిపిస్తున్నాయి. ఈ సినిమాను అయాన ముఖ‌ర్జీ డైరెక్ట్ చేస్తుండ‌గా, కియారా అద్వానీ ఇందులో హీరోయిన్ గా న‌టిస్తోంది. ఈ సినిమాను 2025లో రిలీజ్ చేసేందుకు మేక‌ర్స్ ప్లాన్ చేస్తున్నారు.
