“మార్ ముంతా చోడ్ చింతా” సాంగ్ ను సీటీ కొడుతూ ఎంజాయ్ చేస్తారు – పూరీ జగన్నాథ్!

ఇస్మార్ట్ శంకర్ బ్లాక్ బస్టర్ తర్వాత ఎనర్జిటిక్ స్టార్, హీరో రామ్ పోతినేని, డాషింగ్ డైరెక్టర్ పూరి జగన్నాధ్ డబుల్ ఇస్మార్ట్ తో మళ్లీ ప్రేక్షకుల ముందుకు వస్తున్నారు. బాలీవుడ్ నటుడు సంజయ్ దత్‌ ఇందులో విలన్ పాత్రలో నటిస్తున్నారు. ఆగస్ట్ 15, 2024 న వరల్డ్ వైడ్ గా థియేటర్లలో రిలీజ్ కాబోతున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజ్ డేట్ దగ్గర పడుతుండటంతో మేకర్స్ ప్రమోషన్స్ ను వేగవంతం చేయడం జరిగింది. ఇప్పటికే సినిమా నుండి రిలీజైన ప్రచార చిత్రాలకి, పాటలకు సూపర్ రెస్పాన్స్ వచ్చింది.

మార్ ముంతా చోడ్ చింతా సాంగ్ కి ఆడియెన్స్ నుండి మంచి రెస్పాన్స్ వస్తోంది మెలోడీ బ్రహ్మ మణిశర్మ అద్దిరిపోయే మ్యూజిక్ అందించగా, రామ్ డాన్స్ ఇరగదీశారు. ఈ సాంగ్ పై డైరెక్టర్ పూరీ జగన్నాథ్ పలు ఆసక్తికర వ్యాఖ్యలు చేశారు. ఇస్మార్ట్ శంకర్ లో ధిమాక్ కరాబ్ సాంగ్ పెద్ద హిట్. అదే రేంజ్ లో పార్ట్ లో సాంగ్ రావాలంటే, చాలా కష్టం. మణి గారు ఈ సాంగ్ కోసం చాలా వర్క్ చేశారు. దాని కంటే బాగుండాలి, దాన్ని మర్చిపోవాలి అని, ఇస్మార్ట్ శంకర్ లో మార్ ముంతా చోడ్ చింత డైలాగ్ ఉంది. ఇది తెలంగాణలో చాలా ఫేమస్. ఆ డైలాగ్ ను వాడి మేము సాంగ్ ను చేశాం. ఈ సాంగ్ ను రాహుల్ పాడారు, మణిశర్మ బిజీఎం ఇరగదీశారు. ఫస్ట్ టైం విజయ్ మాస్టర్ తో వర్క్ చేశాం. రామ్ స్టెప్స్ మాకులుగా వెయ్యలేదు. రామ్ కోసం డిఫరెంట్ స్టెప్స్ కంపోజ్ చేశారు. అందరికీ తెలుసు రామ్ వెరీ గుడ్ డ్యాన్సర్. హీరోయిన్ కావ్య థాపర్ కూడా రామ్ పక్కన చాలా బాగా చేసింది. ఇది ధియేటర్ సాంగ్, సింగిల్ స్క్రీన్ లో సీటీలు వేస్తూ చూడాల్సిన సాంగ్, త్వరలో మీరు ఎంజాయ్ చేస్తారు అంటూ చెప్పుకొచ్చారు పూరి జగన్నాధ్.