పాన్ ఇండియా స్టార్ ప్ర‌భాస్ న‌టించిన ఎపిక్ బ్లాక్ బ‌స్ట‌ర్ మూవీ ‘కల్కి 2898 AD’ బాక్సాఫీస్ ద‌గ్గ‌ర ఎలాంటి సెన్సేష‌న్ క్రియేట్ చేసిందో మ‌నం చూశాం. నాగ్ అశ్విన్ డైరెక్ట్ చేసిన ఈ ప్రెస్టీజియ‌స్ మూవీ వ‌ర‌ల్డ్ వైడ్ గా రూ.వెయ్యి కోట్ల‌కు పైగా వ‌సూళ్లు రాబ‌ట్టి స‌రికొత్త రికార్డులు క్రియేట్ చేసింది. ఇటు ఇండియ‌న్ బాక్సాఫీస్ ద‌గ్గ‌ర కూడా కల్కి రికార్డుల మోత మోగించింది. అయితే, ఇప్పుడు కల్కి రికార్డుపై క‌న్నేశారు మార్వెల్ హీరోస్.
ప్ర‌ఖ్యాత హాలీవుడ్ సంస్థ మార్వెల్ స్టూడియోస్ నుంచి వ‌స్తున్న ”డెడ్ పూల్ & వోల్వ‌రిన్” మూవీపై ప్ర‌పంచ‌వ్యాప్తంగా ఎలాంటి క్రేజ్ నెల‌కొందో అంద‌రికీ తెలిసిందే. ఈ సినిమాకు ఇండియాలో భారీగా క్రేజ్ క్రియేట్ అయ్యింది. దీంతో ఈ సినిమా కోసం అభిమానులు ఆస‌క్తిగా చూస్తున్నారు. ఇప్పుడు ఈ సినిమా కల్కి రికార్డుల‌ను బ్రేక్ చేసే ఛాన్స్ ఉంద‌ని సినీ క్రిటిక్స్ కామెంట్ చేస్తున్నారు. కల్కి హిందీ బెల్ట్ లో తొలిరోజు ఏకంగా రూ.22 కోట్ల వ‌సూళ్ల‌తో 2024లోనే టాప్ ఓపెనింగ్ సాదించిన చిత్రంగా నిలిచింది.
‘డెడ్ పూల్ & వోల్వ‌రిన్’ మూవీ కోసం ప్ర‌ముఖ మ‌ల్టీప్లెక్స్ థియేట‌ర్ల‌లో ఇప్ప‌టికే 1.2 ల‌క్ష‌ల టికెట్లు అమ్ముడైన‌ట్లుగా లెక్క‌లు చెబుతున్నాయి. ఈ లెక్క‌లు మ‌రింత‌గా పెరిగే అవ‌కాశం కూడా ఉంది. దీంతో హిందీ బెల్ట్ లో కల్కి రూ.22 కోట్ల ఓపెనింగ్ డే రికార్డు బ్రేక్ అయ్యే అవ‌కాశం ఉంద‌ని క్రిటిక్స్ అంటున్నారు. మ‌రి నిజంగానే మార్వెల్ హీరోస్ కల్కి హిందీ బెల్ట్ ఓపెనింగ్ డే రికార్డును బీట్ చేయ‌గ‌లరా..? అనేది వేచి చూడాలి.
