బాలీవుడ్ బ్యూటీ ఊర్వశి రౌతేలా స్పెషల్ సాంగ్స్ కి బాగా ఫేమస్ అయ్యింది. ఈ క్రమంలోనే ‘వేర్‌ ఈజ్‌ ది పార్టీ’ అంటూ ‘వాల్తేరు వీరయ్య’లో డ్యాన్స్‌ చేసి ఈ బాలీవుడ్ బ్యూటీ తెలుగువారికి కూడా బాగా దగ్గర అయ్యారు. ఐతే, ఊర్వశీ రౌతేలా తాజాగా మాట్లాడుతూ.. ‘నేను నటిస్తోన్న కొత్త చిత్రం ‘గుస్పేటియా’. ఆ సినిమాలో నాపై చిత్రీకరించిన ఓ సీన్‌ ఇటీవల నెట్టింట వైరల్‌గా మారడంతో.. అది నన్నెంతో బాధించింది అంటూ ఊర్వశీ రౌతేలా తెలిపింది.
ఊర్వశి రౌతేలా ఇంకా మాట్లాడుతూ.. ‘ఓ సినిమా విడుదలకు ముందే వీడియోస్‌, ఫొటోలు లీక్ కావడం నన్ను బాగా నిరాశకు గురిచేసింది. పైగా అది నేను నటించే సినిమా కావడం బాధాకరమైన విషయం. నా వ్యక్తిగత జీవితానికి సంబంధించిన వీడియో కాదు. ఏ అమ్మాయికి ఇలాంటి చేదు అనుభవం ఎదురు కాకూడదని కోరకుంటా’ అంటూ ఊర్వశి రౌతేలా తెలిపింది.
