మెగాస్టార్ చిరంజీవి ప్రస్తుతం పారిస్ లో ఉన్నారు. ఒలింపిక్‌ గేమ్స్‌ చూసేందుకు మెగాస్టార్ తన ఫ్యామిలీతో పారిస్ వెళ్లిన సంగతి తెలిసిందే. ఐతే, చిరంజీవి హీరోగా యంగ్ దర్శకుడు వశిష్ట ‘విశ్వంభర’ అనే చిత్రాన్ని తెరకెక్కిస్తున్నారు. కాగా చిరు పారిస్ నుంచి రాగానే ఈ సినిమాలోని కీలకమైన యాక్షన్ సీక్వెన్స్ ను షూట్ చేయడానికి దర్శకుడు వశిష్ట సన్నాహాలు చేసుకుంటున్నారు. ఈ షెడ్యూల్ అనంతరం ఓ సాంగ్ ను కూడా షూట్ చేస్తారట.
కాగా ఈ సినిమాలో హీరోయిన్ గా త్రిష నటిస్తోంది. UV క్రియేషన్స్ నిర్మిస్తున్న ఈ విశ్వంభర సినిమాకు కీరవాణి సంగీతాన్ని అందిస్తున్నారు. ఈ చిత్రం జనవరి 10, 2025 న విడుదల కాబోతుంది. అన్నట్టు ‘జగదేకవీరుడు అతిలోకసుందరి’ సినిమాలోని వినోదం, ‘హిట్లర్’ లోని సెంటిమెంట్ ఈ సోషియో ఫాంటసీ సినిమాలో కనిపిస్తాయని తెలుస్తోంది. అన్నట్టు సృష్టి, స్థితి, లయ ఈ మూడింటి నేపథ్యంలో ఈ కథ సాగుతుందట.
