ఉస్తాద్ రామ్ పోతినేని లేటెస్ట్ మాస్ యాక్ష‌న్ ఎంట‌ర్టైన‌ర్ ‘డ‌బుల్ ఇస్మార్ట్’ మూవీ ఇప్ప‌టికే ప్రేక్ష‌కుల్లో సాలిడ్ బ‌జ్ క్రియేట్ చేసింది. క్రేజీ డైరెక్ట‌ర్ పూరి జ‌గ‌న్నాధ్ ఈ సినిమాను త‌ర‌కెక్కించ‌డంతో ఈ సినిమా బాక్సాఫీస్ ద‌గ్గ‌ర ఎలాంటి విజ‌యాన్ని అందుకుంటుందా అని అంద‌రూ ఆస‌క్తిగా చూస్తున్నారు. ఇక ‘ఇస్మార్ట్ శంక‌ర్’ చిత్రానికి ఇది సీక్వెల్ గా వ‌స్తుండ‌టంతో అభిమానుల్లో సైతం ఈ మూవీపై అంచ‌నాలు పెరిగాయి.
ఇప్ప‌టికే ఈ సినిమా లిరికల్ సాంగ్స్ ప్రేక్ష‌కుల‌ను అమితంగా ఆక‌ట్టుకుంటుండ‌గా, తాజాగా ”క్యా ల‌ఫ్డా” అనే మ‌రో లిరికల్ సాంగ్ ను మేక‌ర్స్ రిలీజ్ చేశారు. రామ్ పోతినేని, కావ్య థాప‌ర్ ల పై చిత్రీక‌రించిన ఈ పాట పూర్తి రొమాంటిక్ మెలోడీగా ప్రేక్ష‌కుల‌ను ఆక‌ట్టుకుంటోంది. శ్రీ‌హ‌ర్ష ఈమ‌ని లిరిక్స్ అందించిన ఈ పాట‌ను ధ‌నుంజ‌య్, సింధుజ శ్రీ‌నివాస‌న్ క‌లిసి పాడారు.
మ‌ణిశ‌ర్మ మ‌రోసారి త‌న మ్యూజిక్ తో మ్యాజిక్ చేశాడు. ఇక ఈ సినిమాలో బాలీవుడ్ న‌టుడు సంజ‌య్ ద‌త్ విల‌న్ గా న‌టిస్తోండ‌గా, ఆగ‌స్టు 15న ఈ సినిమాను రిలీజ్ చేస్తున్న‌ట్లు మేక‌ర్స్ ఇప్ప‌టికే అనౌన్స్ చేశారు. ఈ సినిమాను పూరి క‌నెక్ట్స్ బ్యాన‌ర్ పై పూరి జ‌గ‌న్నాధ్, ఛార్మీ క‌లిసి ప్రొడ్యూస్ చేస్తున్నారు.
