లేటెస్ట్: రగ్గుడ్ ఫస్ట్ లుక్ తో విజయ్ 12 నుంచి మూడు క్రేజీ అప్డేట్స్.!

మన టాలీవుడ్ యంగ్ అండ్ టాలెంటెడ్ హీరో, సెన్సేషనల్ స్టార్ విజయ్ దేవరకొండ హీరోగా ప్రస్తుతం దర్శకుడు గౌతమ్ తిన్ననూరి కాంబినేషన్లో చేస్తున్న సాలిడ్ ప్రాజెక్ట్ కోసం అందరికీ తెలిసిందే. మరి ఈ చిత్రం విజయ్ కెరీర్ లో 12వ సినిమాగా తెరకెక్కిస్తుండగా మొదటి నుంచి కూడా ఈ సినిమా పట్ల మంచి బజ్ ఉంది.

ఇక ఈ సినిమా విషయంలో ఇటీవల వచ్చిన కొన్ని లీక్స్ తో సోషల్ మీడియా షేక్ అయ్యింది. దీనికి కారణం ఈ సినిమాకి విజయ్ ప్రిపేర్ చేసిన కొత్త లుక్ కాగా ఆ లీక్ తో మేకర్స్ వెంటనే ఓ అఫీషియల్ అప్డేట్ ఇస్తున్నట్టుగా ఫిక్స్ చేశారు. మరి ఫైనల్ గా ఇప్పుడు ఆ లుక్ తో విజయ్ పై సాలిడ్ ఫస్ట్ లుక్ పోస్టర్ ని రిలీస్ చేశారు.

ఇందులో విజయ్ మాస్ అండ్ రగ్గుడ్ గా కనిపిస్తుండగా వర్షంలో ఫైట్ సీక్వెన్స్ లో ఏదో బాధతో గట్టిగా అరుస్తున్నట్టుగా కనిపిస్తున్నాడు. అలాగే ఈ పోస్టర్ తోనే మేకర్స్ రిలీజ్ డేట్ పై కూడా బిగ్ అప్డేట్ అందించారు. ఈ చిత్రాన్ని వచ్చే ఏడాది మార్చ్ 28న రిలీజ్ కి ఫిక్స్ చేసినట్టుగా అనౌన్స్ చేశారు.

మరి ఫస్ట్ లుక్, రిలీజ్ డేట్ సహా మూడో ట్రీట్ పై కూడా దీనిలో మేకర్స్ అప్డేట్ అందించారు. ఈ ఆగస్ట్ లోనే సినిమా తాలూకా టైటిల్ ఏంటి అనేది కూడా రివీల్ చేస్తున్నట్టుగా ఫిక్స్ చేశారు. ఇక ఆ టైటిల్ ఏంటి ఎప్పుడు వస్తుంది అనేది ఈ నెల లోనే క్లారిటీ రానుంది. ఇక ఈ చిత్రానికి అనిరుద్ సంగీతం అందిస్తుండగా సితార ఎంటర్టైన్మెంట్స్, ఫార్చూన్ ఫోర్ సినిమాస్ వారు నిర్మాణం వహిస్తున్నారు.