నందమూరి బాలకృష్ణ ప్రధాన పాత్రలో, డైరెక్టర్ బాబీ దర్శకత్వంలో తెరకెక్కుతున్న యాక్షన్ ఎంటర్టైనర్ NBK109. ఈ చిత్రానికి ఇంకా టైటిల్ ను ఖరారు చేయాల్సి ఉంది. మ్యూజికల్ సెన్సేషన్ థమన్ సంగీతం అందిస్తున్న ఈ చిత్రాన్ని సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ బ్యానర్లపై నిర్మిస్తున్నారు. నేడు డైరెక్టర్ బాబీ పుట్టిన రోజు సందర్భంగా చిత్ర యూనిట్ కేక్ కట్ చేసి బర్త్ డే విషెస్ తెలిపారు.
ఈ చిత్రంలో ఒక కీలక పాత్రలో నటిస్తున్న దివి వడ్త్య సోషల్ మీడియా వేదికగా ఒక ఆసక్తికరమైన పోస్ట్ ను షేర్ చేశారు. బాలయ్య పై తన అభిమానంను వ్యక్త పరిచారు. జై బాలయ్య, డియర్ బాలకృష్ణ గారు అంటూ మొదలు పెట్టి, సినిమా సెట్స్ లో అందరితో ఎంతో ప్రేమగా ఉంటారో తెలిపింది. ఒక నాయకుడిగా మాత్రమే కాకుండా, ఒక మంచి హ్యూమన్ బీయింగ్ అంటూ చెప్పుకొచ్చింది. అంతేకాక బాలయ్య డెడికేషన్, ప్యాషన్, ఆదర్శవంతమైన ప్రవర్తన ఇలాంటివి ఎన్నో నేర్చుకున్నా అని తెలిపింది.
అదే విధంగా డైరెక్టర్ బాబీ కి బర్త్ డే విషెస్ తెలిపింది. అయితే ఈ పోస్ట్ లో బాలకృష్ణ మరియు డైరెక్టర్ తో పాటుగా, చిత్ర యూనిట్ ఉన్న ఫోటోలను షేర్ చేసింది. ఇవి సోషల్ మీడియాలో వైరల్ గా మారాయి.
