డిఫెరెంట్ కాన్సెప్ట్ తో మహారాజ చిత్రాన్ని తెరకెక్కించి అందరి ప్రశంసలు పొందాడు డైరెక్టర్ నిథిలన్ సామినాథన్. విలక్షణ నటుడు విజయ్ సేతుపతి ప్రధాన పాత్రలో నటించిన మహారాజ చిత్రం బాక్సాఫీస్ వద్ద వంద కోట్ల రూపాయల క్లబ్ లో చేరి సెన్సేషన్ క్రియేట్ చేసింది. ఈ చిత్రం పై ఇప్పటికే పలువురు సినీ ప్రముఖులు ప్రశంసలు కురిపించారు. తాజాగా సూపర్ స్టార్ రజినీకాంత్ చిత్రాన్ని చూసి ప్రశంసించారు. అదే విషయాన్ని డైరెక్టర్ నిథిలన్ సామినాథన్ సోషల్ మీడియా ద్వారా వెల్లడించారు.
సూపర్ స్టార్ రజినీకాంత్ ను కలిసినట్లు పేర్కొన్నారు. కోలీవుడ్ యొక్క బంగారు చేతుల నుండి జీవితం, అనుభవం, జీవన విధానాన్ని అర్థం చేసుకోవడం వంటి నవల చదివినట్లుగా ఉందని, అంతేకాక రజినీకాంత్ ఇచ్చిన ఆతిథ్యం మరియు వినయం చూసి ఆశ్చర్యపోయినట్లు వెల్లడించారు. మహారాజ చిత్రాన్ని సూపర్ స్టార్ రజినీకాంత్ ఎంతగా ఇష్టపడ్డారో తెలుసుకుని ముచ్చటపడినట్లు అన్నారు. సూపర్ స్టార్ కి ఈ సందర్భంగా ధన్యవాదాలు తెలిపారు. అంతేకాక రజినీకాంత్ తో ఉన్న ఫోటోలను కూడా షేర్ చేశారు.
Dear super star @Rajinikanth sir, thank you for the charismatic meeting. it was like reading a novel of life, experience, understanding of the way of living from the golden hands of Kollywood..
I am awestruck by your hospitality and humility. I am touched to know how much you… pic.twitter.com/HbcvFsBLR4— Nithilan Saminathan (@Dir_Nithilan) August 2, 2024
