“ఓజి”, “NBK109” లపై థమన్ ఇంట్రెస్టింగ్ కామెంట్స్!

సౌత్ లో సెన్సేషన్ క్రియేట్ చేస్తున్న మ్యూజిక్ డైరెక్టర్ థమన్. వరుస భారీ చిత్రాలకి మ్యూజిక్ అందిస్తూ, ఎంతో బిజీగా ఉన్నారు. కొన్ని బాలీవుడ్ చిత్రాలకి కూడా మ్యూజిక్ ను కంపోజ్ చేయడం స్టార్ట్ చేశాడు థమన్. అయితే తాజాగా నెటిజన్ల తో ప్రశ్నోత్తరాల సెషన్ ను నిర్వహించాడు థమన్. ఈ క్రమంలో పలు ఆసక్తికర విషయాలు వెల్లడించారు.

పవర్ స్టార్ పవన్ కళ్యాణ్ హీరోగా, సుజీత్ దర్శకత్వంలో తెరకెక్కుతున్న ఓజి చిత్రానికి థమన్ సంగీతం అందిస్తున్నారు. ఈ మేరకు ఒక నెటిజన్ ఫస్ట్ సింగిల్ ఎప్పుడూ అంటూ అడగగా, త్వరలో కలుద్దాం, నేను సుజీత్ కొంత స్టఫ్ ను సిద్ధం చేస్తున్నాం అని చెప్పుకొచ్చాడు. NBK109 గురించి ఏమైనా చెప్పు అని ఒక అభిమాని అడగగా, నేను కొన్ని రషెస్ చూసాను. ఒక్క ముక్కలో చెప్పాలంటే, ఫీస్ట్ అని అన్నారు. ఈ కామెంట్స్ సోషల్ మీడియాలో వైరల్ అవుతున్నాయి.