సోషల్ మీడియాలో ట్రోల్స్ పలు ఫన్నీ మీమ్స్ వంటివి తరచూ చూస్తూనే ఉంటాం. అలాగే సినిమా సంబంధించి కూడా పలు పోస్టులు కూడా పడుతూ ఉంటాయి. అయితే కొందరు హీరోస్ పట్ల ఎప్పటికప్పుడు చాలా ట్రోల్స్ కూడా పడుతూనే ఉంటాయి. మరి మన సౌత్ ఇండియా సినిమా దగ్గర భారీ క్రేజ్ ఉన్నటువంటి స్టార్ హీరోస్ సైతం వీటికి అతీతం కాదు.
అలా లేటెస్ట్ గా కోలీవుడ్ స్టార్ హీరో దళపతి విజయ్ పై మరోసారి గట్టి ట్రోల్స్ పడుతున్నాయి. ఆల్రెడీ విజయ్ నటించిన ఎన్నో పాత సినిమాలు నుంచి కొత్త సినిమాల్లో తన డాన్స్ లు వరకు తెలుగు యువత ఓ రేంజ్ లో ట్రోల్స్ వేస్తూ ఉంటారు. మరి తాజాగా మరోసారి విజయ్ దొరికాడు. తన లేటెస్ట్ సినిమా ది గ్రేటెస్ట్ ఆఫ్ ఆల్ టైం సినిమా నుంచి తన కొత్త పాట స్పార్క్ లో తన లుక్స్ కానీ తన డాన్స్ మూమెంట్స్ కానీ దారుణంగా ట్రోల్స్ కి గురవుతున్నాయి.
విజయ్ తనకి తెలిసే ఇలా ట్రై చేస్తాడా లేక తేలిక ట్రై చేస్తాడా అన్నట్టుగా ఈ సాంగ్ విషయంలో మాత్రం బాగా బలైపోయాడు. ఇంకా కొంతమంది అయితే విజయ్ డీ ఏజింగ్ లుక్ లో ప్రేమలు సినిమాలో కనిపించే అమల డేవిస్ అంటున్నారు. ఇక సాంగ్ కి కూడా తమిళ్ ఆడియెన్స్ నుంచి అంత మంచు5రెస్పాన్స్ రావడం లేదు. ఇక ఈ చిత్రానికి దర్శకుడు వెంకట ప్రభు వర్క్ చేస్తుండగా యువన్ శంకర్ రాజా సంగీతం అందిస్తున్నాడు.
